കോഴിക്കോട് ഒന്നരമണിക്കൂറിനുള്ളിൽ പന്ത്രണ്ട് പേരെ ആക്രമിച്ച് തെരുവ് നായ

കോഴിക്കോട്: ഒന്നരമണിക്കൂറിനുള്ളിൽ തെരുവ് നായ ആക്രമിച്ചത് പന്ത്രണ്ട് പേരെ. വടകരയിൽ രാത്രി ഏഴരയോടെയാണ് സംഭവം.

ടൗണിലും താഴെ അങ്ങാടിയിലുമായി കാൽ നടയാത്രക്കാരെയും ബൈക്ക് യാത്രികരെയും നായ കടിച്ചത്. പരിക്കേറ്റവർ വടകരയിലെ ജില്ലാ ആശുപത്രിയിൽ ചികിത്സ തേടി.

കഴിഞ്ഞ ദിവസം വടകരയ്ക്കടുത്ത് പണിക്കോട്ടി റോഡിലും പത്തിലേറെ പേരെ തെരുവ് നായ കടിച്ച് പരിക്കേൽപ്പിച്ചിരുന്നു.