ഉത്തര്‍പ്രദേശിൽ ഷാഹി ജമാ മസ്ജിദില്‍ സര്‍വേക്കെത്തിയ അഭിഭാഷക കമ്മീഷനും പോലീസിനും നേരെ കല്ലേറ്, സ്ഥലത്ത് സംഘർഷാവസ്ഥ തുടരുന്നു,

ദില്ലി: ഉത്തർ പ്രദേശിലെ സംബാലില്‍ സംഘർഷം. കോടതി ഉത്തരവിനെ തുടർന്ന് ഷാഹി ജമാ മസ്ജിദില്‍ സർവേ നടത്താൻ എത്തിയ അഭിഭാഷക കമ്മീഷനും പോലീസിനും നേരെ ഒരുകൂട്ടമാളുകള്‍ കല്ലെറിഞ്ഞതിനെ തുടർന്നാണ് സംഘർഷമുണ്ടായത്.

പ്രതിഷേധക്കാർ ചില വാഹനങ്ങള്‍ക്കും തീയിട്ടു. തുടർന്ന് പോലീസ് ലാത്തിചാർജ് നടത്തി, കണ്ണീർ വാതകം പ്രയോഗിച്ചു. സ്ഥലത്ത് സംഘർഷാവസ്ഥ തുടരുകയാണ്.

കോടതി ഉത്തരവ് നടപ്പാക്കുന്നത് തടഞ്ഞാല്‍ കർശന നടപടി എടുക്കും എന്ന് ഉപമുഖ്യ മന്ത്രി കേശവ് പ്രസാദ് മൗര്യ മുന്നറിയിപ്പ് നല്‍കി. ഉച്ചയോടെ സർവേ നടപടികള്‍ അഭിഭാഷക കമ്മീഷൻ പൂർത്തിയാക്കി. മുഗള്‍ ഭരണകാലത്ത് ക്ഷേത്രം തകർത്താണ് ഷാഹി ജമാ മസ്ജിദ് സ്ഥാപിച്ചത്

എന്നവകാശപ്പെട്ട് ഒരു അഭിഭാഷകൻ നല്‍കിയ ഹർജിയില്‍ ആണ് സംബാല്‍ ജില്ലാ കോടതി സർവേ നടത്താൻ ഉത്തരവിട്ടത്.