ഐപിഎല്‍ 2025ന് മുമ്പായി ഫ്രാഞ്ചൈസികള്‍ നിലനിര്‍ത്തുന്ന താരങ്ങളുടെ പട്ടിക ബിസിസിഐക്ക് സമര്‍പ്പിക്കാന്‍ മണിക്കൂറുകള്‍ മാത്രം ശേഷിക്കെ കൊല്‍ക്കത്ത നൈറ്റ് റൈഡേഴ്സില്‍ വന്‍ അട്ടിമറികളെന്ന് റിപോര്‍ട്ട്. 2024 സീസണില്‍ കിരീടം നേടിക്കൊടുത്ത ക്യാപ്റ്റന്‍ ശ്രേയസ് അയ്യരെ (Shreyas Iyer) കെകെആര്‍ കൈവിടുകയാണ്. ടിട്ടന്‍ഷന്‍ താരങ്ങളില്‍ ശ്രേയസ് ഇല്ലെന്നാണ് പുറത്തുവരുന്ന വിവരം.
നാല് താരങ്ങളെയാണ് കെകെആര്‍ നിലനിര്‍ത്തുന്നത്. പരമാവധി ആറ് താരങ്ങളെ (അഞ്ച് ക്യാപ്ഡ് താരങ്ങള്‍) നിലനിര്‍ത്താനാണ് അനുവാദമുള്ളത്. ബാക്കിയുള്ളവര്‍ ലേലത്തില്‍ വരും. മൂന്ന് വര്‍ഷങ്ങള്‍ക്ക് ശേഷം മെഗാതാര ലേലം അടുത്ത മാസം നടന്നേക്കും. ടിട്ടന്‍ഷന്‍ ലിസ്റ്റ് ഒക്ടോബര്‍ 31ന് അഞ്ചു മണിക്കുള്ളില്‍ സമര്‍പ്പിക്കണം.ഫ്രാഞ്ചൈസികളുടെ റിട്ടന്‍ഷന്‍ ലിസ്റ്റ് പുറത്തുവരുമ്പോള്‍ ഐപിഎല്ലില്‍ ഏറ്റവുമധികം കൗതുകമുണര്‍ത്തുന്നതാണ് കെകെആറിന്റെ പട്ടിക.
ശ്രേയസ് അയ്യര്‍ക്ക് പുറമേ ഇതിഹാസ ഓള്‍റൗണ്ടര്‍ ആന്ദ്രെ റസ്സല്‍, മിച്ചല്‍ സ്റ്റാര്‍ക്ക് എന്നിവരും മെഗാ ലേലത്തില്‍ പ്രവേശിക്കാന്‍ ഒരുങ്ങുന്നു.സുനില്‍ നരേയ്ന്‍, വരുണ്‍ ചക്രവര്‍ത്തി, റിങ്കു സിങ് എന്നിവരാണ് കെകെആറിന്റെ മൂന്ന് ക്യാപ്ഡ് റിട്ടന്‍ഷന്‍ താരങ്ങളെന്ന് ക്രിക്ഇന്‍ഫോ വെളിപ്പെടുത്തി. രണ്ട് അണ്‍ക്യാപ്ഡ് താരമായി ഹര്‍ഷിത് റാണയും ഓള്‍റൗണ്ടര്‍ രമണ്‍ദീപ് സിങും ആണുള്ളത്.ഹര്‍ഷിത്തിനെയും രമണ്‍ദീപിനെയും കെകെആര്‍ നിലനിര്‍ത്തിയാല്‍, മെഗാ ലേലത്തില്‍ അവര്‍ക്ക് ഒരു റൈറ്റ് ടു മാച്ച് (ആര്‍ടിഎം) കാര്‍ഡ് മാത്രമേ ഉണ്ടാകൂ,
അതായത് സ്റ്റാര്‍ക്ക്, ശ്രേയസ്, റസ്സല്‍, ഫില്‍ സാള്‍ട്ട്, വെങ്കിടേഷ് അയ്യര്‍ എന്നിവരില്‍ ഒരാളെ മാത്രമാണ് നിലനിര്‍ത്താനാവുക.പരമാവധി താരങ്ങളെ നിലനിര്‍ത്തണമെന്ന് കെകെആര്‍ ഉടമ ഷാരൂഖ് ഖാന്‍ വാദിച്ചതായി റിപോര്‍ട്ടുകളുണ്ട്. പ്രതിഭാധനരായ നിരവധി കളിക്കാര്‍ ഉള്ളതാണ് അവരുടെ പ്രശ്‌നം. 2024ല്‍ കിരീടത്തിലേക്ക് കുതിച്ചപ്പോള്‍ മൂന്ന് മാച്ചുകളില്‍ മാത്രമാണ് കെകെആര്‍ പരാജയപ്പെട്ടത്.ഒരു ദശാബ്ദമായി കെകെആറിനൊപ്പമുള്ള റസ്സലിനെ നിലനിര്‍ത്തേണ്ടതില്ലെന്ന തീരുമാനവും അപ്രതീക്ഷിതമായി. 2017-ല്‍ വെസ്റ്റ് ഇന്‍ഡീസ് താരത്തിന് ഒരു സീസണില്‍ വിലക്ക് വന്നപ്പോഴും കെകെആര്‍ വിട്ടയച്ചില്ല.
മൂന്ന് തവണ ചാമ്പ്യന്‍മാരായ ടീമില്‍ അംഗമായിട്ടുണ്ട്. ഐപിഎല്ലില്‍ റസ്സല്‍ 126 മത്സരങ്ങളില്‍ 2491 റണ്‍സും 116 വിക്കറ്റും നേടിയിട്ടുണ്ട്. 2024-ല്‍ 15 മത്സരങ്ങളില്‍ നിന്ന് 19 വിക്കറ്റ് വീഴ്ത്തുകയും 185 സ്ട്രൈക്ക് റേറ്റില്‍ 222 റണ്‍സ് നേടുകയുമുണ്ടായി.ഇന്ത്യക്കാരായ മികച്ച ക്യാപ്റ്റന്‍മാരെ കണ്ടെത്താനാവാതെ ടീമുകള്‍ പ്രയാസപ്പെടുമ്പോള്‍ ശ്രേയസിനെ നിലനിര്‍ത്താത്ത തീരുമാനം അത്ഭുതപ്പെടുത്തുന്നതാണ്.
2024-ല്‍ കെകആറിനെ കിരീടത്തിലേക്ക് നയിച്ച അദ്ദേഹം 2020-ല്‍ ഡല്‍ഹി ക്യാപിറ്റല്‍സിനെ ആദ്യമായി ഫൈനലിലെത്തിച്ചിരുന്നു. ഐപിഎല്ലില്‍ രണ്ട് ടീമുകളെ ഫൈനലിലെത്തിച്ച ഏക ക്യാപ്റ്റനാണ് ശ്രേയസ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.