കടലിൽ വീണു മരിച്ച പ്രവാസി മലയാളി യുവാവിന്റെ സംസ്കാരം ഇന്ന്

പറവൂർ ; ഇറ്റലിയിൽ കടലിൽ വീണു മരിച്ച പുത്തൻവേലിക്കര പനച്ചകുന്ന് കുരിശിങ്കൽ ടോംസന്റെ (32) സംസ്കാരം ഇന്ന് 8.30ന് മാനാഞ്ചേരിക്കുന്ന് സെന്റ് പോൾസ് പള്ളിയിൽ നടക്കും.

തോമസ് – ഡെയ്സി ദമ്പതികളുടെ മകനാണ്.സെപ്റ്റംബർ അഞ്ചിനാണ് സംഭവം. കടൽത്തീരത്തുള്ള കലുങ്കിൽ കയറി നിന്നപ്പോൾ കാൽവഴുതി താഴേക്ക് വീഴുകയായിരുന്നു.

അഞ്ചര വർഷമായി ഇറ്റലിയിലെ ഹോട്ടലിൽ ജോലി ചെയ്യുന്ന ടോംസൻ ഡിസംബറിൽ നാട്ടിലേക്ക് വരാനിരിക്കുകയായിരുന്നു. സഹോദരങ്ങൾ: ടോംസി, രാജേഷ്.