കായംകുളം: ആലപ്പുഴയിൽ മധ്യവയസ്‌കനെ കാറിനുള്ളിൽ മരിച്ച നിലയിൽ കണ്ടെത്തി.
കായംകുളം മഞ്ഞാടിത്തറയിലാണ് സംഭവം. വാത്തിക്കുളം സ്വദേശിയായ അരുൺ (52) ആണ് മരിച്ചത്. കാടിൻ്റെ പിൻസീറ്റിൽ കിടക്കുന്ന നിലയിലായിരുന്നു മൃതദേഹം.കൊച്ചമ്പലത്തിന് സമീപം റോഡിനരികിൽ കാർ നിർത്തിയ നിലയിലായിരുന്നു. നാട്ടുകാരാണ് അരുണിനെ മരിച്ച നിലയിൽ കണ്ടെത്തിയത്. തുടർന്ന് കുറത്തിക്കാട് പൊലീസിനെ വിവരം അറിയിക്കുകയായിരുന്നു.
സുഹൃത്തുക്കളുമായി മദ്യപിച്ച ശേഷം അരുൺ സുഹൃത്തിൻ്റെ കാറിൽ തന്നെ കിടന്നുറങ്ങുകയായിരുന്നുവെന്ന് പൊലീസ് അറിയിച്ചു. ഉറക്കത്തിനിടെയാണ് മരണം സംഭവിച്ചത്. അരുൺ ലിവർ സിറോസിസ് ബാധിതനായിരുന്നു. അമിതമായി മദ്യപിച്ചതിനെ തുടർന്നുണ്ടായ ഹൃദയാഘാതമാണ് മരണകാരണമെന്നും പൊലീസ് വ്യക്തമാക്കി. പോസ്റ്റ്മോർട്ടത്തിന് ശേഷം മൃതദേഹം ബന്ധുക്കൾക്ക് കൈമാറി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.