പ്രിയങ്കയ്‌ക്കെതിരെ തെരഞ്ഞെടുപ്പ് ഓഫീസര്‍ക്ക് പരാതി നല്‍കി നവ്യ ഹരിദാസ്

വയനാട് മണ്ഡലം യുഡിഎഫ് സ്ഥാനാർത്ഥി പ്രിയങ്ക നാമനിർദേശ പത്രികയില്‍ സ്വത്ത് വിവരങ്ങള്‍ മറച്ചുവച്ച സംഭവത്തില്‍ തെരഞ്ഞെടുപ്പ് ഓഫീസർക്ക് പരാതി നല്‍കി എൻഡിഎ സ്ഥാനാർത്ഥി നവ്യ ഹരിദാസ്.

നാമനിർദ്ദേശ പത്രികയിലും, സത്യവാങ്മൂലത്തിലും പ്രസക്തമായ വിവരങ്ങള്‍ മനഃപൂർവം മറച്ചുവെച്ചെന്നാണ് പരാതി.

നാഷണല്‍ ഹെറാള്‍ഡ് കേസിലെ ഓഹരികള്‍, സ്വത്തുക്കള്‍ തുടങ്ങിയവയുമായി ബന്ധപ്പെട്ട് പ്രിയങ്കയ്‌ക്ക് എതിരെയുള്ള കേസുകള്‍ രേഖപ്പെടുത്തിയിട്ടില്ല. നാഷണല്‍ ഹെറാള്‍ഡില്‍ സോണിയ ഗാന്ധിയുടെയും, രാഹുലിന്റെയും ഓഹരികള്‍ പരാമർശിക്കുന്നത് സൗകര്യപൂർവ്വം ഒഴവാക്കിയെന്നും പരാതിയില്‍ പറയുന്നു.

 എന്നാല്‍ സ്വത്ത് വിവരങ്ങള്‍ താൻ മറച്ചുവച്ചിട്ടില്ലെന്നാാണ് പ്രിയങ്ക പറയുന്നത്. ഒന്നും മറച്ചുവച്ചിട്ടില്ല, സത്യവാങ്മൂലത്തില്‍ നല്‍കിയിട്ടുള്ളതാണ് വസ്തുത. നാമനിർദേശ പത്രിക വരണാധികാരി സ്വീകരിച്ചുവെന്നും പ്രിയങ്ക പ്രതികരിച്ചു.