പണമില്ലാത്തതുകൊണ്ട് ഇനിയാരും നിരാശപ്പെടണ്ട: പണം വേണ്ട, പഠിച്ചാല്‍ മതി, സംസ്ഥാനത്തെ ഏറ്റവും വലിയ എൻട്രൻസ് കോച്ചിങ്ങുമായി സര്‍ക്കാര്‍

തിരുവനന്തപുരം: പണമില്ല എന്ന ഒറ്റക്കാരണം കൊണ്ട് എൻജിനീയറിങ്, മെഡിക്കല്‍ എൻട്രൻസ് കോച്ചിങ് സാധ്യമാകാതെ പോയ നിരവധി കുട്ടികള്‍ നമുക്ക് ചുറ്റുമുണ്ട് അല്ലേ.

നന്നായി പഠിക്കുന്ന ഒരു കുട്ടിക്ക് നന്നായി പ്രവേശനപരീക്ഷ എഴുതാൻ സാധിക്കണമെന്നില്ല. അവിടെയാണ് ഇത്തരം എൻട്രൻസ് കോച്ചിങ്ങുകളുടെ പ്രസക്തിയും. അപ്പോള്‍ പറഞ്ഞുവരുന്നത് ഇതാണ്.

 പണമില്ലാത്തതുകൊണ്ട് ഇനിയാരും കീമും നീറ്റും ഒന്നും എഴുതാതിരിക്കരുത്. അതിനായി 'കീ ടു എൻട്രൻസ്' എന്നാണ് പേരില്‍ ഒരു സൗജന്യ പരിശീലന പദ്ധതി തന്ന ആരംഭിച്ചിരിക്കുകയാണ് സർക്കാർ.

www.entrance.kite.kerala.gov.in വെബ്സൈറ്റില്‍ കയറിയാല്‍ ക്ലാസിന്റെ ഭാഗമാകാം. അല്ലെങ്കില്‍ കൈറ്റ് വിക്ടേഴ്സിലോ, ഇ-വിദ്യ ചാനലുകളിലോ ക്ലാസുകള്‍ തത്സമയം കാണാം. രാത്രി എഴ് മുപ്പതിനാണ് ക്ലാസ്.