രാത്രി ദേശീയ പാതയിലെ കുഴിയില്‍ വീണു, ബൈക്ക് യാത്രക്കാരന് ദാരുണാന്ത്യം,

തൃശ്ശൂർ: കൊടുങ്ങല്ലൂരില്‍ ദേശീയ പാത നിർമ്മാണത്തിന്റെ ഭാഗമായി കുഴിച്ച കുഴിയില്‍ വീണ് ബൈക്ക് യാത്രക്കാരൻ മരിച്ചു.

അഴീക്കോട് ചുങ്കം പാലത്തിന് സമീപം കുരിശിങ്കല്‍ ജോർജിന്റെ മകൻ നിഖിലാണ് മരിച്ചത്‌. ചന്തപ്പുര-കോട്ടപ്പുറം ബൈപ്പാസില്‍ ഗൗരിശങ്കർ ജംഗ്ഷന് തെക്കുവശത്ത് ശനിയാഴ്ച്ച രാത്രിയിലായിരുന്നു അപകടമുണ്ടായത്.

ദേശീയ പാതയിലൂടെ ബൈക്കുമായി പോയ നിഖില്‍ കുഴിയില്‍ വീഴുകയായിരുന്നു. റോഡ് നിർമ്മാണ തൊഴിലാളികളാണ് അപകടം ആദ്യം അറിഞ്ഞത്. ഉടൻ തന്നെ രക്ഷാപ്രവർത്തനം നടത്തിയെങ്കിലും മരിച്ചു.