ശബരിമല മേല്‍ശാന്തി നറുക്കെടുപ്പ് ഇന്ന്; ശബരിമലയിലേക്ക് 24 പേർ, ലിസ്റ്റിൽ, പന്തളം കൊട്ടാരത്തിലെ ഇളമുറക്കാർ അയ്യപ്പ സന്നിധിയിൽ,

പത്തനംതിട്ട: ശബരിമലയില്‍ പുതിയ മേല്‍ശാന്തിമാരെ തെരഞ്ഞെടുക്കുന്നതിനുള്ള നറുക്കെടുപ്പ് ഇന്ന് നടക്കും. ഉഷപൂജക്ക് ശേഷം രാവിലെയാകും നറുക്കെടുപ്പ്.

ശബരിമലയിലേക്ക് 24 പേരും മാളികപ്പുറത്തേക്ക് 15 പേരുമാണ് അന്തിമ പട്ടികയില്‍ ഉള്ളത്. പന്തളം കൊട്ടാരത്തിലെ ഇളമുറക്കാരായ ഋഷികേശ്, വൈഷ്ണവി എന്നീ കുട്ടികള്‍ മേല്‍ശാന്തിമാരുടെ നറുക്കെടുക്കും. തുലാമാസ പൂജകള്‍ക്കായി ഇന്നലെയാണ് ശബരിമല നട തുറന്നത്.

ഒക്ടോബർ 21ന് നട അടയ്ക്കും. മണ്ഡലകാലത്തിന് തുടക്കം കുറിച്ച്‌ നട തുറക്കുന്ന നവംബർ 15നാണ് പുതിയ മേല്‍ശാന്തിമാർ ചുമതല ഏറ്റെടുക്കുന്നത്.