മഹാരാഷ്ട്രയില്‍ ബിജെപിക്ക് തിരിച്ചടി; മുന്‍ മന്ത്രി ഹര്‍ഷവര്‍ധന്‍ ശരദ് പവാര്‍ പക്ഷത്തേക്ക് നിയമസഭാ തെരഞ്ഞെടുപ്പില്‍ മത്സരിച്ചേക്കും,

മുംബൈ: നിയമസഭാ തെരഞ്ഞെടുപ്പിന് മാസങ്ങള്‍ മാത്രം ശേഷിക്കെ, ശരദ് പവാറിന്റെ എന്‍സിപിയില്‍ ചേരുമെന്ന് ബിജെപി നേതാവും മുന്‍ മന്ത്രിയുമായ ഹര്‍ഷവര്‍ധന്‍ പാട്ടില്‍.

ശരദ് പവാറുമായി കൂടിക്കാഴ്ച നടത്തിയതിന് പിന്നാലെയാണ് നൂറ് കണക്കിന് അനുയായികള്‍ക്കൊപ്പം എന്‍സിപിയില്‍ ചേരുമെന്ന ഹര്‍ഷവര്‍ധന്റെ പ്രഖ്യാപനം. ഇന്ദാപൂര്‍ മണ്ഡലത്തില്‍ നിന്ന് പാര്‍ട്ടി സ്ഥാനാര്‍ഥിയായി മത്സരിക്കാന്‍ ശരദ് പവാര്‍ ആവശ്യപ്പെട്ടതായും അദ്ദേഹം പറഞ്ഞു.

രണ്ടുദിവസമായി ഞാന്‍ ഇന്ദാപൂര്‍ നിയോജക മണ്ഡലത്തില്‍ ചെലവിടുകയും വിവിധ വിഭാഗങ്ങളില്‍ നിന്നുള്ള ആളുകളെ കാണുകയും ചെയ്തു. അടുത്ത നിയമസഭാ തെരഞ്ഞെടുപ്പില്‍ താന്‍ മത്സരിക്കണമെന്ന അഭ്യര്‍ഥനയാണ് മുന്നോട്ടുവച്ചത്' ഹര്‍ഷവര്‍ധന്‍ മാധ്യമങ്ങളോട് പറഞ്ഞു.