കുടുംബ പ്രശ്നം: ഭര്‍ത്താവ് വാക്കത്തികൊണ്ട് ഭാര്യയെ വെട്ടി: ഗുരുതര പരിക്ക്, അന്വേഷണം,

 ഇടുക്കി: ഇടുക്കിയില്‍ ഭർത്താവ് ഭാര്യയെ വെട്ടിപ്പരിക്കേല്‍പ്പിച്ചു. പ്രകാശ് സിറ്റിക്ക് സമീപം മാടപ്രയിലാണ് ഭർത്താവ് ഭാര്യയെ വെട്ടി പരിക്കേല്‍പ്പിച്ചത്.

പുന്നത്താനിയില്‍ സുമജൻ എന്നു വിളിക്കുന്ന കുര്യന്‍റെ ഭാര്യ ആലീസിനാണ് ാക്രമണത്തില്‍ പരിക്കേറ്റത്. മുറിവേറ്റ ആലീസ് അയല്‍പക്കത്തെ വീട്ടിലെത്തിയാണ് വിവരം അറിയിച്ചത്.

തലക്കും കഴുത്തിനും ഗുരുതരമായി പരിക്കേറ്റ ആലീസിനെ കട്ടപ്പനയിലെ സ്വകാര്യ ആശുപത്രിയില്‍ പ്രവേശിപ്പിച്ചു. സംഭവത്തിനു ശേഷം വീട്ടില്‍ നിന്നും ഇറങ്ങിപ്പോയ കുര്യനായി തങ്കമണി പൊലീസ് തെരച്ചില്‍ ഊർജ്ജിതമാക്കി.

വീട്ടില്‍ നിന്നും വെട്ടാനുപയോഗിച്ച വാക്കത്തി കണ്ടെത്തിയിട്ടുണ്ട്. കുടുംബ പ്രശ്നത്തെ തുടർന്നാണ് കുര്യൻ ഭാര്യയെ വെട്ടിയതെന്നാണ് സൂചന.