ഒഴിവായത് വൻദുരന്തം: കൊച്ചിയിൽ കെഎസ്‌ആര്‍ടിസി ലോ ഫ്ലാര്‍ ബസിന് തീപിടിച്ചു; തീയണച്ച്‌ ഫയ‍‍ര്‍ഫോഴ്സ്, ബസ് പൂർണ്ണമായും കത്തി നശിച്ചു,

കൊച്ചി: കൊച്ചി ചിറ്റൂരില്‍ കെഎസ്‌ആർടിസി ലോ ഫ്ലാർ ബസിന് തീപിടിച്ചു. ഫയർഫോഴ്സ് എത്തി തീയണച്ചെങ്കിലും ബസ് പൂർണ്ണമായും കത്തി നശിച്ചു.

തൊടുപുഴയിലേക്ക് പോവുകയായിരുന്ന ബസ്സാണ് ചിറ്റൂരില്‍ വെച്ച്‌ അപകടത്തില്‍ പെട്ടത്. ഉച്ചതിരിഞ്ഞായിരുന്നു അപകടം. ബസ്സില്‍ 20 പേരാണ് ഉണ്ടായിരുന്നത്. ബസ്സിന്‍റെ അടിയില്‍ നിന്ന് പുക ഉയരുകയായിരുന്നു.

ഈ സമയത്ത് ബസ്സില്‍ യാത്രക്കാർ ഉണ്ടായിരുന്നുവെങ്കിലും ഉടൻ തന്നെ പുറത്തിറങ്ങിയതിനാല്‍ വൻദുരന്തം ഒഴിവായി. ഫയ‍‍ര്‍ഫോഴ്സെത്തി തീയണച്ചെങ്കിലും ബസ് കത്തി നശിക്കുകയായിരുന്നു.