അന്തീനാട് മഹാദേവ ക്ഷേത്രത്തിൽ ശ്രീമദ് ഭാഗവത സപ്താഹയജ്ഞം ഒക്ടോബർ 6 മുതൽ 13 വരെ

പാലാ:അന്തീനാട് ശ്രീ മഹാദേവ ക്ഷേത്രത്തിലെ 2024 വർഷത്തെ നവരാത്രി ആഘോഷവും ശ്രീമദ് ഭാഗവത സപ്താഹ യജ്ഞവും  ഒക്ടോബർ 6 ഞായറാഴ്ച ആരംഭിക്കും. ഗുരുവായൂർ മുൻ മേൽശാന്തിയും പ്രശസ്ത ഭാഗവത ആചാര്യനുമായ ബ്രഹ്മശ്രീ മൂർക്കന്നൂർ ശ്രീഹരി നമ്പൂതിരി ആണ് യജ്ഞാചര്യൻ.

യജ്ഞത്തിൻ്റെ ആദ്യ ദിനമായ ഒക്ടോബർ 6 ന് രാവിലെ കലവറ നിറയ്ക്കൽ വൈകിട്ട് 6.30 ന് ഗുരുവായൂർ മുൻ മേൽശാന്തി ബ്രഹ്മശ്രീ തോട്ടം ശിവകരൻ നമ്പൂതിരി ദീപപ്രോജ്ജ്വലനവും അനുഗ്രഹ  പ്രഭാഷണവും നടത്തും. ഒക്ടോബർ 8 ന് വൈകിട്ട് 5.30 മുതൽ വിദ്യാഗോപാല മന്ത്രാർച്ചന, 9 ബുധനാഴ്ച വൈകിട്ട് നരസിംഹാവതാരം, 10 വ്യാഴാഴ്ച വൈകിട്ട് ശ്രീകൃഷ്ണ അവതാരം,

ക്ഷേത്രത്തിൽ പ്രത്യേകം തയ്യാറാക്കിയ സരസ്വതി മണ്ഡപത്തിൽ പൂജവയ്പ്പ്, 11 ന് രുഗ്മിണീ സ്വയവരം, തിരുവാതിര, 12 മഹാനവമി സർവ്വൈശ്വര്യ പൂജ, 13 ഞായറാഴ്ച വിജയദശമി വിദ്യാരംഭം, അവഭൃതസ്നാനം, മഹാപ്രസാദഊട്ട് സമാപനം.