പ്രധാനമന്ത്രി മോദിയെപ്പോലുള്ള നല്ല നേതാക്കൾ ഉണ്ടായിരിക്കുന്നത് ദൈവത്തിൻ്റെ അനുഗ്രഹം; ശങ്കർ വിജയേന്ദ്ര സരസ്വതി സ്വാമി

വാരണാസി: പ്രധാനമന്ത്രി നരേന്ദ്രമോദിയെ പ്രകീർത്തിച്ച് കാമകോടി പീഠത്തിലെ ദൈവത്തിൻ്റെ അനുഗ്രഹ. പ്രധാനമന്ത്രി മോദിയെപ്പോലുള്ള നല്ല നേതാക്കൾ നമുക്കിടയിൽ ഉണ്ടായിരിക്കുന്നത് ദൈവത്തിൻ്റെ അനുഗ്രഹമാണെന്നും മോദിയിലൂടെ ദൈവം വിവിധ മഹത്തായ പ്രവർത്തനങ്ങൾ ചെയ്യുകയാണെന്നും അദ്ദേഹം പറഞ്ഞു.

നമ്മുടെ രാജ്യം വലിയ കുതിച്ചുചാട്ടം നടത്തുകയാണെന്നും ഈ പുരോഗതിക്ക് പിന്നിലെ പ്രധാന ഘടകം ശക്തമായ നേതൃത്വമാണെന്നും അദ്ദേഹം പ്രസ്താവിച്ചു. വാരണാസിയിലെ ആർജെ ശങ്കരാ നേത്രാലയത്തിൻ്റെ ഉദ്ഘാടനത്തിന് ശേഷം നടന്ന ചടങ്ങിൽ അഭിസംബോധന ചെയ്തു കൊണ്ട് സംസാരിക്കുകയായിരുന്നു അദ്ദേഹം. ചടങ്ങിൽ പങ്കെടുത്ത പ്രധാനമന്ത്രി നരേന്ദ്ര മോദിയാണ് കണ്ണാശുപത്രി ഉദ്ഘാടനം ചെയ്തത്.

എൻഡിഎ ഗവൺമെൻ്റിനെ ‘നരേന്ദ്ര ദാമോദർദാസ് കാ അനുശാശൻ’ എന്നാണ് വിജയേന്ദ്ര സരസ്വതി വിശേഷിപ്പിച്ചത്. പൗരന്മാരുടെ സുരക്ഷ, സൗകര്യം, ക്ഷേമം എന്നിവയിൽ ശ്രദ്ധ കേന്ദ്രീകരിക്കുന്ന ഒരു ഭരണ മാതൃകയെന്നും പറഞ്ഞു. എൻഡിഎ സർക്കാർ അനുകമ്പയോടെയാണ് പൗരന്മാർക്ക് വേണ്ടി പ്രവർത്തിക്കുന്നത്. സാധാരണക്കാരൻ നേരിടുന്ന വെല്ലുവിളികൾ പ്രധാനമന്ത്രി മോദി മനസ്സിലാക്കുന്നു.

കോവിഡ് കാലത്തെ പ്രവർത്തനങ്ങളെ മാതൃകയാക്കിയാണ് ഇവ പറഞ്ഞത്. പൗരൻ പട്ടിണി കിടന്ന് എല്ലാവർക്കും ഭക്ഷണം നൽകിയെന്നാണ് പ്രധാനമന്ത്രി ഗരീബ് കല്യാൺ അന്ന യോജനയെ പരാമർശിച്ചുകൊണ്ട് പ്രസ്താവിച്ചത്. ലോകമെമ്പാടുമുള്ള മറ്റ് രാജ്യങ്ങൾക്ക് അനുകരിക്കാവുന്ന ഉദാത്ത മാതൃകയാണ് എൻഡിഎ സർക്കാരെന്ന് അദ്ദേഹം പറഞ്ഞു.

ഉയരുന്ന പദവിയും ശോഭനമായ ഭാവിയും കൊണ്ട്, ഇന്ത്യ ആഗോള സമാധാനത്തിന് ഊർജം നൽകും, ഇന്ത്യയുടെ അഭിവൃദ്ധി ആഗോള സമൃദ്ധിക്ക് സംഭാവന ചെയ്യും. സോമനാഥിലും കേദാർനാഥിലും നടത്തിയ പ്രവർത്തനങ്ങൾ ഉദ്ധരിച്ച് രാജ്യത്തിൻ്റെ അടിസ്ഥാന സൗകര്യ വികസനത്തോടൊപ്പം സാംസ്കാരിക പുനരുജ്ജീവനത്തിലും സർക്കാർ ശ്രദ്ധ കേന്ദ്രീകരിക്കുന്നുവെന്ന് ശങ്കരാചാര്യ കൂട്ടിച്ചേർത്തു.