മലപ്പുറം: മലപ്പുറം മുന് എസ്.പി സുജിത്ത് ദാസ് ഉള്പ്പെടെയുള്ളവര് പീഡിപ്പിച്ചെന്ന പൊന്നാനി സ്വദേശിയായ വീട്ടമ്മയുടെ പരാതിയില് എഫ്.ഐ.ആര് രജിസ്റ്റര് ചെയ്ത് അന്വേഷണം നടത്താന് പൊന്നാനി മജിസ്ട്രേറ്റ് കോടതിയുടെ നിര്ദ്ദേശം. പീഡന പരാതിയില് നടപടി വൈകുന്നതിനെത്തുടര്ന്ന് വീട്ടമ്മ ഹൈക്കോടതിയെ സമീപിച്ചിരുന്നു. വിഷയത്തില് പത്ത് ദിവസത്തിനകം തീരുമാനമെടുക്കണമെന്ന് കഴിഞ്ഞ ദിവസം ഹൈക്കോടതി പൊന്നാനി മജിസ്ട്രേറ്റ് കോടതിയോട് നിര്ദ്ദേശിച്ചിരുന്നു.
ഇതേത്തുടര്ന്നാണ് എഫ്.ഐ.ആര് രജിസ്റ്റര് ചെയ്ത് അന്വേഷണം നടത്താന് പൊന്നാനി മജിസ്ട്രേറ്റ് കോടതി പൊലീസിന് നിര്ദ്ദേശം നല്കിയത്. അതിജീവിതയുടെ സ്വകാര്യ അന്യായത്തില് അന്വേഷിച്ച് റിപ്പോര്ട്ട് നല്കാന് തൃശ്ശൂര് റെയിഞ്ച് ഡി.ഐ.ജിക്ക് പൊന്നാനി മജിസ്ട്രേറ്റ് കോടതി നേരത്തെ നിര്ദ്ദേശം നല്കിയിരുന്നു.
.jpg)
ഇതിന്റെ റിപ്പോര്ട്ട് നല്കിയതിനെത്തുടര്ന്നാണ് എഫ്.ഐ.ആര് രജിസ്റ്റര് ചെയ്യാന് നിര്ദ്ദേശിച്ചത്. പൊന്നാനി മുന് സി.ഐ വിനോദ്, മലപ്പുറം മുന് എസ്.പി സുജിത് ദാസ്, തിരൂര് മുന് ഡിവൈ.എസ്.പി വി.വി ബെന്നി എന്നിവര് ലൈംഗികപീഡനത്തിന് ഇരയാക്കിയെന്നായിരുന്നു യുവതിയുടെ പരാതി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.