ഹരിയാനയിൽ കോൺ​ഗ്രസ് തരം​ഗം, ലീഡിൽ കേവല ഭൂരിപക്ഷം കടന്ന് കുതിപ്പ്; കശ്മീരിൽ ഇന്ത്യ സഖ്യം

ന്യൂഡല്‍ഹി: ഹരിയാനയിലും ജമ്മു കശ്മീരിലും വോട്ടെണ്ണല്‍ ഒരു മണിക്കൂര്‍ പിന്നിടുമ്പോള്‍ കോണ്‍ഗ്രസും ഇന്ത്യ സഖ്യവും മുന്നേറ്റം തുടരുന്നു.

ആദ്യ സൂചനകള്‍ പ്രകാരം ഹരിയാനയില്‍ കോണ്‍ഗ്രസ് കൊടുങ്കാറ്റില്‍ ബിജെപി നിഷ്പ്രഭമായി. ആകെയുള്ള 90 സീറ്റില്‍ 73 മണ്ഡലങ്ങളിലും കോണ്‍ഗ്രസാണ് ലീഡ് ചെയ്യുന്നത്. ജുലാനയില്‍ ഗുസ്തി താരം വിനേഷ് ഫോഗട്ട് മുന്നിലാണ്.

ഹരിയാനയില്‍ ആകെ 90 സീറ്റുകളിലേക്കാണ് വോട്ടെടുപ്പ് നടന്നത്. 46 സീറ്റുകളാണ് കേവല ഭൂരിപക്ഷത്തിന് വേണ്ടത്. അധികാരത്തില്‍ ഹാട്രിക് ലക്ഷ്യമിട്ടാണ് ബിജെപി മത്സരത്തിനിറങ്ങിയത്. എന്നാല്‍ ഭരണം തിരിച്ചുപിടിക്കുക എന്ന ലക്ഷ്യവുമായിട്ടായിരുന്നു കോണ്‍ഗ്രസിന്റെ പോരാട്ടം.