അച്ഛന്‍റെ മരണത്തിനു പിന്നാലെ മകനും മരിച്ചു

അമ്പലപ്പുഴ: അച്ഛന്‍റെ മരണത്തിനുശേഷം അടിയന്തിര കർമങ്ങള്‍ നടക്കാൻ ഒരുദിവസം മാത്രം ബാക്കി നില്‍ക്കേ മകനും മരിച്ചു.

പുന്നപ്ര കിഴക്കേതയ്യില്‍ പരേതനായ സരസന്‍റെയും സുമതിയുടെയും മകൻ ശ്യാം ലാല്‍ (37) ആണ് ഇന്നലെ മരിച്ചത്.  പിതാവ് സരസന്‍റെ അടിയന്തിര കർമങ്ങള്‍ നാളെ നടക്കാനിരിക്കെയാണ് ശ്യാംലാല്‍ മരണമടഞ്ഞത്.

പാൻക്രിയാസ് രോഗ ബാധിതനായി ചികിത്സയിലായിരുന്നു. ഭാര്യ അനുജ. സഹോദരങ്ങള്‍ പ്രശാന്തി, ശതഗോപൻ, അഡ്വ. പ്രദീപ്തി സജിത് (അമ്പലപ്പുഴ ബ്ലോക്ക് പഞ്ചായത്തംഗം).