പാരസെറ്റാമോൾ ഉൾപ്പെടെ 50ലധികം മരുന്നുകൾ ഗുണനിലവാര പരിശോധനയിൽ പരാജയപ്പെട്ടെന്ന് റിപ്പോർട്ടുകൾ

ഡൽഹി: കാൽസ്യം, വൈറ്റമിൻ ഡി 3 സപ്ലിമെൻ്റുകൾ, പ്രമേഹ ഗുളികകൾ, ഉയർന്ന രക്ത സമ്മർദ്ദത്തിനുള്ള മരുന്നുകൾ എന്നിവ ഇന്ത്യയുടെ ഡ്രഗ് റെഗുലേറ്ററിൻ്റെ ഗുണനിലവാര പരിശോധനയിൽ പരാജയപ്പെട്ടു. 

ഏറ്റവും പുതിയ പ്രതിമാസ ഡ്രഗ് അലേർട്ട് ലിസ്റ്റിൽ സെൻട്രൽ ഡ്രഗ്സ് സ്റ്റാൻഡേർഡ് കൺട്രോൾ ഓർഗനൈസേഷൻ (സി ഡി എസ് സി ഒ) 50 ലധികം മരുന്നുകൾക്ക് നിലവാരമില്ലാത്ത മരുന്നുകൾ പ്രഖ്യാപിച്ചു. വൈറ്റമിൻ സി, ഡി 3 ഗുളികകൾ ഷെൽകാൽ, വൈറ്റമിൻ ബി കോംപ്ലക്സ്, വൈറ്റമിൻ സിജെൽസ്, ആൻറി ആസിഡ് പാൻ - ഡി പാരസെറ്റാമോൾ ഗുളികകൾ ഐ പി 500 പ്രമേഹ വിരുദ്ധ മരുന്നായ ഗ്ലിമെപിറൈഡ്, ഉയർന്ന രക്തസമ്മർദ്ദ മരുന്നായ ടെൽമിസാർട്ടൻ ഏറ്റവും കൂടുതൽ വിറ്റഴിക്കപ്പെടുന്നു. റെഗുലേറ്ററിൻ്റെ ഗുണനിലവാര പരിശോധനയിൽ പരാജയപ്പെട്ടു.

ഹെറ്ററോ ഡ്രഗ്സ്, ആൽകം ലബോറട്ടറീസ്, ഹിന്ദുസ്ഥാൻ ആൻ്റി ബയോട്ടിക് ലിമിറ്റഡ് (എച്ച്ഇ എൽ), കർണാടക ആൻ്റി ബയോട്ടിക്സ് ആൻ്റ് ഫാർമസ്യൂട്ടിക്കൽസ് ലിമിറ്റഡ്, മെഗ് ലൈഫ് സയൻസസ്, പ്യുവർ ആൻ്റ് ക്യൂർ ഹെൽത്ത് തുടങ്ങിയവയാണ് ഈ മരുന്നുകൾ നിർമ്മിക്കുന്നത്. ആമാശയത്തിലെ അണുബാധകൾ ചികിത്സിക്കാൻ വ്യാപകമായി ഉപയോഗിക്കുന്ന മരുന്നായ പി എസ് യു ഹിന്ദുസ്ഥാൻ ആൻ്റി ബയോട്ടിക് ലിമിറ്റഡ് നിർമ്മിക്കുന്ന മെട്രോണിഡാസോൾ ഗുണനിലവാര പരിശോധനയിൽ പരാജയപ്പെട്ടു. 

ടോറൻ്റ് ഫാർമസ്യൂട്ടിക്കൽസ് വിതരണം ചെയ്തു, ഉത്തരാഖണ്ഡ് ആസ്ഥാനമായുള്ള പ്യുവർ ആൻ്റ് ക്യൂർ ഹെൽത്ത് കെയർ നിർമ്മിച്ചതുമായ ഷെൽക്കലും പരിശോധനയിൽ പരാജയപ്പെടുകയായിരുന്നു. കൊൽക്കത്തയിലെ ഡ്രഗ് ടെസ്റ്റിംഗ് ലാബ് അൽകെം ഹെൽത്ത് സയൻസിൻ്റെ ആൻ്റി ബയോട്ടിക്കുകളായ ക്ലാവം 625, പാൻ ഡി എന്നിവയും ഗുണനിലവാരമില്ലെന്ന് കണ്ടെത്തി. ഗുരുതരമായ ബാക്ടീരിയ അണുബാധയുള്ള കുട്ടികൾക്കായി നിർദ്ദേശിക്കപ്പെട്ട ഹൈദരബാദ് ഉള്ള ഹെറ്ററോയുടെ സെപോഡെം എക്സ്പി 50 സസ്പെൻഷൻ നിവാവാരമില്ലാത്തതാണ് എന്ന് ഇതേ ലാബ് വ്യക്തമാക്കി.

കർണാടക ആൻ്റി ബയോട്ടിക്സ് ആൻ്റ് ഫാർമസ്യൂട്ടിക്കൽസ് ലിമിറ്റഡിൻ്റെ പാരസെറ്റാമോൾ ഗുണികകളും ഗുണനിലവാര ആശങ്കകളും ഉയർത്തുന്നു. ഗുണനിലവാര പരിശോധനയിൽ പരാജയപ്പെട്ട മരുന്നുകളുടെ രണ്ട് ലിസ്റ്റുകൾ ഡ്രഗ് റെഗുലേറ്റർ പങ്കിട്ടു. ഒന്നിൽ 48 ജനപ്രിയമായവ അടങ്ങിയിട്ടുണ്ടെങ്കിലും മരുന്നുകൾ വ്യാജമാണെന്ന് പറഞ്ഞ് കമ്പനികൾ അതിൻ്റെ ഉത്തരവാദിത്തം ഏറ്റെടുത്തില്ലെന്നാണ് റിപ്പോർട്ടുകൾ.