കേരളക്കരക്ക് “ഏതൊരു ആപത്തിലും കൈതാങ്ങായി കൂടെയുണ്ട്” മലയാളികൾക്ക് ഓണാശംസകൾ നേർന്ന് തമിഴ് നാട് മുഖ്യമന്ത്രി

ചെന്നൈ: തിരുവോണം ആഘോഷിക്കുന്ന മലയാളികൾക്ക് തമിഴ്‌നാട് മുഖ്യമന്ത്രി എം.കെ.സ്റ്റാലിൻ ആശംസകൾ നേർന്നു.

ദ്രാവിഡ സഹോദരങ്ങളായ കേരളത്തിലെ ജനങ്ങൾക്ക് ഏതൊരു ആപത്തിലും കൈത്താങ്ങായി തമിഴ്നാട് സർക്കാറുണ്ടാവുമെന്ന് സ്റ്റാലിൻ പറഞ്ഞു. വയനാട് ഉരുൾപൊട്ടൽ സംഭവത്തിൽ തമിഴ്നാട് സർക്കാർ അഞ്ചു കോടി രൂപ അനുവദിക്കുകയും വൈദ്യസംഘം രക്ഷാപ്രവർത്തകരെ അയക്കുകയും ചെയ്തു. 

കെടുതികളിൽനിന്ന് കരകയറി സമത്വത്തിലും സാഹോദര്യത്തിലും അധിഷ്ഠിതമായ ഓണം ആഘോഷിക്കുന്ന മലയാളി സഹോദരങ്ങൾക്ക് ആശംസ നേരുന്നതായി സ്റ്റാലിൻ അറിയിച്ചു.