തൃശൂരിൽ കാർ തടഞ്ഞ് രണ്ടരക്കിലോ സ്വർണ്ണം കവർന്നതായി പരാതി

തൃശൂർ: വഴുക്കുംപാറയിൽ കാർ തടഞ്ഞ് രണ്ടരക്കിലോ സ്വർണാഭരണങ്ങൾ കവർന്നതായി പരാതി.

തൃശൂര് കിഴക്കേകോട്ട നടക്കിലാന് അരുണ് സണ്ണിയും സുഹൃത്തുമാണ് ആക്രമിക്കപ്പെട്ടത്. കോയമ്പത്തൂരിൽ നിന്നും ആഭരണവുമായി വന്ന ഇവരെ മർദിച്ച് അക്രമി സംഘം സ്വർണ്ണം കവരുകയായിരുന്നു എന്നാണ് പരാതി.

കുതിരാൻ സമീപം വഴുക്കുംപാറയിൽ ഇവർ സഞ്ചരിച്ചിരുന്ന കാർ മറ്റൊരു സംഘം തടഞ്ഞശേഷം ഇരുവരേയും അവരുടെ കാറിൽ കയറ്റിക്കൊണ്ടുപോയെന്നും കുട്ടനെല്ലൂർ ഭാഗത്തേക്ക് എത്തിയപ്പോൾ അരുൺ സണ്ണിയെ ഇറക്കിവിട്ടെന്നും സുഹൃത്തുമായി നടത്തിയ പരാതിയിൽ പറയുന്നു. 

അരുൺ സണ്ണിക്ക് ഗുരുതരമായ മർദനമേറ്റിട്ടുണ്ടെന്ന് പൊലീസ് പറഞ്ഞു. സംഭവം സംബന്ധിച്ച് ഒല്ലൂർ പൊലീസ് അന്വേഷണം ഊർജിതമാക്കി.