തിരുവന്തപുരം ആര്യനാട് KSRTC ഡ്രൈവർക്ക് നേരെ വാഹനത്തിന് സൈഡ് കൊടുത്തില്ലെന്നരോപിച്ച് ക്രൂര മർദനം

തിരുവനന്തപുരം:ആര്യനാട് ഡിപ്പോയിലെ ഡ്രൈവർ മൻസൂറിനാണ് വാഹനത്തിന് സൈഡ് കൊടുത്തില്ലെന്നാരോപിച്ച് മർദ്ദനമേറ്റത്.

പിക്കപ്പ് വാൻ ഡ്രൈവറായ നൗഫൽ ആണ് ബസ് തടഞ്ഞു നിർത്തി കെഎസ്ആർടിസി ജീവനക്കാരനെ ക്രൂരമായി മർദ്ദിച്ചത്. അക്രമത്തിൽ ഗുരുതരമായി പരിക്കേറ്റ കെഎസ്ആർടിസി ഡ്രൈവറെ മെഡിക്കൽ കോളേജിൽ പ്രവേശിപ്പിച്ചിരിക്കുകയാണ്. സംഭവത്തിൽ ആര്യനാട് കെഎസ്ആർടിസി അധികൃതർ പൊലീസിൽ പരാതി നൽകി.കയറ്റമായിരുന്നു, 

അപകടസാധ്യത ഉള്ളതിനാൽ നേരെ കൈകാണിച്ചിട്ടും പിക്കപ്പ് നിർത്തിയിരുന്നില്ല.പിന്നീട് പിക്കപ്പ് ഡ്രൈവർ വാഹനം തട്ടിയെന്ന് പറഞ്ഞ് ദേഷ്യപ്പെട്ട് യാതൊരു പ്രകോപനവും കൂടാതെ മർദിക്കുകയും അസഭ്യം പറയുകയും ചെയ്തുവെന്ന് കെഎസ്ആർടിസി ഡ്രൈവർ ട്വൻ്റി ഫോറിനോട് പറഞ്ഞു. രണ്ടു പേര് പിക്കപ്പ് വാഹനത്തിൽ ഉണ്ടായിരുന്നതായി മൻസൂർ പറയുന്നു. മർദ്ദനത്തിൽ മൂക്കിനും പുറംഭാഗത്തും മൻസൂറിന് സാരമായി പരിക്കേറ്റിട്ടുണ്ട്.