തിരുവനന്തപുരം: വെള്ളറടയിൽ സ്വന്തം വീടിൻറെ പാലുകാച്ചലിന് ബന്ധുക്കളെ ക്ഷണിക്കാൻ കുടുംബസമേതം ബൈക്കിൽ പോയി മടങ്ങുമ്പോൾ യുവാവ് അപകടത്തിൽ മരിച്ചു.
ഒപ്പമുണ്ടായിരുന്ന ഭാര്യക്കും മകനും ഗുരുതര പരിക്കേറ്റു. ഒറ്റശേഖരമംഗലം വാളക്കോട് കമുകിൻകോട് അഷിത ഭവനിൽ കെ. അനിൽ (42) ആണ് മരിച്ചത്. ഭാര്യ അഷിത, മകൻ ഒന്നാം ക്ലാസ് വിദ്യാർത്ഥി ആദിദേവ് എന്നിവരെ ഗുരുതര പരിക്കുകളോടെ തിരുവനന്തപുരം മെഡിക്കൽ കോളേജിൽ പ്രവേശിപ്പിച്ചു.
ശനിയാഴ്ച നടക്കുന്ന പാലുകാച്ചൽ ചടങ്ങിന് ബന്ധുക്കളെ ക്ഷണിക്കാൻ പോയി മടങ്ങവേ കാട്ടാക്കട തൃക്കാഞ്ഞിരപുരത്തു ബൈക്ക് നിയന്ത്രണം വിട്ട് മതിലിൽ ഇടിക്കുകയായിരുന്നു. സംഭവ സ്ഥലത്ത് വച്ചു തന്നെ അനിൽ മരണപ്പെട്ടു. വ്യാഴാഴ്ച നാലുമണിയോടെ അപകടം. പിതാവ് പരേതനായ കൃഷ്ണൻ. മാതാവ്: മല്ലിക. മൃതദ്ദേഹം നെയ്യാർ മെഡിസിറ്റിയിൽ.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.