ഗുരുവായൂരിൽ ഞായറാഴ്ച റെക്കോർഡ് കല്യാണങ്ങൾ

ഗുരുവായൂർ: ഗുരുവായൂരമ്പലനടയിൽ ഇതുവരെ ബുക്ക് ചെയ്തിരിക്കുന്നത് 345 വിവാഹങ്ങളാണ്.

കഴിഞ്ഞ കൊല്ലത്തെ 227 എന്ന റെക്കോഡാണ് ഇത്തവണ തിരുത്തേണ്ടിവരുന്നത്. ശനിയാഴ്ച ഉച്ചയ്ക്ക് 12 വരെ ബുക്കിംഗ് സമയമുണ്ട്. ദേവസ്വം 350 കടക്കുമെന്നാണ് വിവരം. കഴിഞ്ഞ കൊല്ലം ഓണക്കാലത്ത് നടന്ന 227 കല്യാണമായിരുന്നു ഇതുവരെയുള്ള റെക്കോർഡ്. അതാണ് ഈ വർഷം തിരുത്താൻ പോകുന്നത്.

ചിങ്ങ മാസത്തിലെ ഏറ്റവും അനുയോജ്യമായ ചോതി നക്ഷത്രം ഞായറാഴ്ച വരുന്നത് കൊണ്ടാണ് തിരക്ക് ഏറിയതെന്ന് ജോതിഷികളും പറയുന്നു. നിലവിൽ മൂന്ന് മണ്ഡപങ്ങളാണ് ഗുരുവായൂരിൽ ഉള്ളത്. തിരക്കേറുമ്പോൾ അധികമായി ഒന്നുകൂടി വയ്ക്കും. ഇത്തവണത്തെ തിരക്ക് മറികടക്കാൻ കൂടുതൽ കരുതൽ എടുക്കണോ എന്ന് ആലോചിക്കുകയാണ് ദേവസ്വം. ഗതാഗത നിയന്ത്രണത്തിന് പൊലീസും ഒരുക്കങ്ങളും തുടങ്ങിയിട്ടുണ്ട്.