തൃശൂര്: തൃശൂര് - ഇരിങ്ങാലക്കുട - കൊടുങ്ങല്ലൂര് റൂട്ടില് രണ്ടു ദിവസമായി നടത്തിവന്നിരുന്ന സ്വകാര്യ ബസ് സമരം മാറ്റിവച്ചു.
തൃശൂർ - ഇരിങ്ങാലക്കുട - കൊടുങ്ങല്ലൂര് റൂട്ടിൽ കോണ്ക്രീറ്റിങ്ങിന്റെ പേരില് റോഡുകള് ഏകപക്ഷീയമായി അടച്ചുകെട്ടിയതില് പ്രതിഷേധിച്ചായിരുന്നു ബസ് സര്വീസ് നിര്ത്തിവച്ചത്.
പൂച്ചൂണ്ണിപ്പാടം മുതല് ഊരകം വരെയും ഇരിങ്ങാലക്കുട ക്രൈസ്റ്റ് കോളജ് മുതല് പൂതംകുളം വരെയും ഉള്ള സ്ഥലങ്ങളില് റോഡ് പണി നടന്നുകൊണ്ടിരിക്കുന്നത് മൂലം ബസുകള് വഴിതിരിഞ്ഞാണ് സര്വീസ് നടത്തിവരുന്നത്.
വെള്ളാങ്ങല്ലൂര് ബ്ലോക്ക് ജംഗഷനില് റോഡ് കോണ്ക്രീറ്റ് ചെയ്യുന്ന പണി കോര്ഡിനേഷന് കമ്മിറ്റിയുമായോ മറ്റു ബന്ധപ്പെട്ടവരുമായോ ചര്ച്ചകള് നടത്താതെ റോഡ് ബ്ലോക്ക് ചെയ്ത് പണി തുടങ്ങുകയായിരുന്നു.
ഇതോടെ ബസുകള് മൂന്നും നാലും കിലോ മീറ്ററുകളോളം കൂടുതല് വഴിത്തിരിഞ്ഞു സഞ്ചരിക്കേണ്ട സാഹചര്യം ഉണ്ടായതിനാലാണ് സര്വീസ് നിര്ത്തിവയ്ക്കാന് നിര്ബന്ധിതരായത്.
ശനിയാഴ്ച രാവിലെ ഡെപ്യൂട്ടി കലക്ടര് മുരളിയുടെ നേതൃത്വത്തില് കലക്ടറേറ്റില് ബസുടമസ്ഥ തൊഴിലാളി കോര്ഡിനേഷന് കമ്മിറ്റി ഭാരവാഹികളുമായി ചര്ച്ച നടത്തിയതിന്റെ അടിസ്ഥാനത്തിലാണ് പിന്മാറ്റം.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.