വടകര: പി.വി അൻവർ കുലംകുത്തിയും വർഗവഞ്ചകനുമായും ഇനി മാറുമെന്ന് കെ.കെ രമ എം.എല്‍.എ. പാർട്ടി ഒന്നടങ്കം അൻവറിനെതിരെ തിരിയും.അൻവർ ഏറ്റവും കൊള്ളരുതാത്തവനും മോശക്കാരനും ആക്കും.
.jpeg)
സി.പി.എമ്മിന്‍റെ വഴിപിഴച്ച നയങ്ങള്‍ക്കെതിരെ, നേതൃത്വത്തിന്‍റെ തെറ്റായ നിലുപാടുകള്‍ക്കെതിരെ സംസാരിച്ചതിനാണ് ടി.പി. ചന്ദ്രശേഖരനെ 51 വെട്ടുവെട്ടി കൊലപ്പെടുത്തിയത്. പിണറായി വിജയന്‍റെ നേതൃത്വത്തില്‍ നടന്ന ആസൂത്രണമാണത്. അതേ പിണറായിക്കെതിരെ സ്വന്തം എം.എല്‍.എ തന്നെ ഗുരുതര ആരോപണം ഉന്നയിക്കുകയാണ്.
കള്ളനെന്നും മുഖ്യമന്ത്രി പദത്തിന് യോജിച്ച ആളല്ലെന്നും അൻവർ പറയുന്നു. ഇതിലപ്പുറം പിണറായിയുടെ മുഖത്ത് നോക്കി പറയാൻ വേറൊരാള്‍ക്കും ധൈര്യമില്ല. സി.പി.എമ്മിലെ വലിയൊരു വിഭാഗത്തിന്‍റെ പിന്തുണ അൻവറിനുണ്ടാകും.
സി.പി.എമ്മിലും ഭരണത്തിലും നടക്കുന്ന വലിയ തോതിലുള്ള ചീഞ്ഞുനാറലാണ് പുറത്തേക്ക് അൻവറിലൂടെ പൊട്ടിയൊഴുകിയത്. ഈ സമൂഹത്തില്‍ ചർച്ച ചെയ്ത വിഷയങ്ങളാണ് അൻവർ പറഞ്ഞത്.
സി.പി.എം നേതൃത്വം കച്ചവട കേന്ദ്രമായും മാഫിയയായും മാറുന്നു. കമ്യൂണിസ്റ്റ് ആശയങ്ങളില്‍ നിന്ന് വ്യതിചലിച്ച്‌ പോയിരിക്കുന്നു. അത് കമ്യൂണിസ്റ്റ് പാർട്ടിയല്ലെന്ന് 13 വർഷം മുമ്പ് ചന്ദ്രശേഖരൻ പറഞ്ഞതാണ്. ചന്ദ്രശേഖരൻ പറഞ്ഞത് അൻവറിലൂടെ ആവർത്തിക്കുക മാത്രമാണ് ചെയ്തിട്ടുള്ളത്. ഗൗരവമുള്ള വിഷയമാണിത്. ഒരു നിമിഷം പോലും മുഖ്യമന്ത്രി സ്ഥാനത്ത് ഇരിക്കാൻ പിണറായി വിജയൻ യോഗ്യനല്ല.
മുഖ്യമന്ത്രിയുടെ പൊളിറ്റിക്കല്‍ സെക്രട്ടറി എന്ന് പറഞ്ഞാല്‍ പാർട്ടിയാണ്. സി.പി.എമ്മിനെ സംബന്ധിച്ചിടത്തോളം പാർട്ടിയാണ് ഭരണത്തെ നിയന്ത്രിക്കുന്നത്. പാർട്ടിക്കെതിരെയാണ് വളരെ കൃത്യമായി അൻവർ വിരല്‍ ചൂണ്ടുന്നതെന്നും കെ.കെ. രമ മാധ്യമങ്ങളോട് പറഞ്ഞു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.