നടിയെ ആക്രമിച്ച കേസ്; മുഖ്യപ്രതി പള്‍സര്‍ സുനി ഇന്ന് ജാമ്യ അപേക്ഷ നല്‍കും, കർശന ഉപാധികളുമായി സർക്കാർ,

കൊച്ചി: നടി ആക്രമണ കേസിലെ മുഖ്യപ്രതി പള്‍സർ സുനി ഇന്ന് വിചാരണക്കോടതിയില്‍ ജാമ്യ അപേക്ഷ നല്‍കും. വിചാരണ കോടതിയായ എറണാകുളം പ്രിൻസിപ്പല്‍ സെഷൻസ് കോടതി നാളെ സുനിയുടെ അപേക്ഷ പരിഗണിച്ചേക്കും.

കോടതി ജാമ്യ വ്യവസ്ഥകള്‍ നിശ്ചയിക്കുന്നതോടെ പള്‍സർ സുനിക്ക് പുറത്തിറങ്ങാൻ കഴിയും. പള്‍സർ സുനിക്ക് സുപ്രിം കോടതി ജാമ്യം അനുവദിച്ചെങ്കിലും ഒരാഴ്ചയ്ക്കുള്ളില്‍ വിചാരണ കോടതിയില്‍ സുനിയെ ഹാജരാക്കി ജാമ്യത്തില്‍ വിടണമെന്നാണ് നിർദേശിച്ചത്. 

ഇതിന്‍റെ ഭാഗമായി ആണ് ഇന്ന് വിചാരണ കോടതിയില്‍ പള്‍സർ സുനി അപേക്ഷ നല്‍കുന്നത്. വിചാരണ കോടതിയാണ് ജാമ്യ ഉപാധികള്‍ നിശ്ചയിക്കുക. അതിനാല്‍ കർശന ഉപാധികള്‍ക്കായി സ‌ർക്കാരിന്റെ വാദവുമുണ്ടാകും. സുനി നിലവില്‍ എറണാകുളം സബ്ജയിലില്‍ റിമാൻഡിലാണ്