"അവരെ പുറത്താക്കൂ" നമ്മുടെ തെരുവുകൾ" വീണ്ടും ഡബ്ലിൻ സിറ്റി സെൻ്ററിൽ കുടിയേറ്റ വിരുദ്ധ പ്രതിഷേധം; 19 പേർ അറസ്റ്റിൽ;

ഡബ്ലിൻ: "അവരെ പുറത്താക്കൂ" നമ്മുടെ തെരുവുകൾ"  വീണ്ടും ഡബ്ലിൻ സിറ്റി സെൻ്ററിൽ കുടിയേറ്റ വിരുദ്ധ പ്രതിഷേധം, 19 പേർ  അറസ്റ്റിൽ.

ഇമിഗ്രേഷൻ വിരുദ്ധ മാർച്ചിനായി നൂറുകണക്കിന് ആളുകൾ ഒ'കോണൽ സ്ട്രീറ്റിൽ ഒത്തുകൂടി. അവരിൽ പലരും കുടിയേറ്റത്തെയും പാര്‍പ്പിട ദൗര്‍ലഭ്യത്തെയും കുറിച്ചുള്ള വര്‍ദ്ധിച്ചുവരുന്ന ആശങ്കകള്‍ ഉയര്‍ത്തി ഐറിഷ് പതാകകളുമായാണ്  പ്രകടനക്കാര്‍ എത്തിയത്.. "അവരെ പുറത്താക്കൂ", "ആരുടെ തെരുവുകൾ, നമ്മുടെ തെരുവുകൾ" എന്നിങ്ങനെ പ്രതിഷേധക്കാർ ആക്രോശിച്ചു. ഇൻ്റർനാഷണൽ പ്രൊട്ടക്ഷൻ അപേക്ഷകരെ ഉൾക്കൊള്ളാനുള്ള പദ്ധതികൾക്കെതിരെ അടുത്തിടെ രണ്ട് മേഖലകളിലും പ്രതിഷേധം നടന്നിരുന്നു.

ഇമിഗ്രേഷൻ വിരുദ്ധ  മാർച്ച് ലെയിൻസ്റ്റർ ഹൗസിലേക്ക് പോകുമ്പോൾ, യുണൈറ്റഡ് എഗെയ്ൻസ്റ്റ് റേസിസം ഗ്രൂപ്പ് സംഘടിപ്പിച്ച ഗ്രാഫ്റ്റൺ സ്ട്രീറ്റിൽ ഒരു ചെറിയ എതിർ പ്രതിഷേധം നടന്നു കൊണ്ടിരുന്നു. ഇരുവിഭാഗവും പരസ്പരം അസഭ്യം പറയുകയും ആക്രോശിക്കുകയും ചെയ്തു, പക്ഷേ പബ്ലിക് ഓർഡർ യൂണിറ്റിൽ നിന്നുള്ള ഗാർഡയുടെ ഒരു നിര അവരെ തടഞ്ഞു.

"Get them out! Get them out!"

Crowd of about 1000 gather in Parnell Sq, Dublin City Centre to protest the EU Migration Pact pic.twitter.com/Zid2DpfmMz

— The Burkean (@TheBurkeanIE) July 13, 2024

ഇമിഗ്രേഷൻ വിരുദ്ധ സംഘം മോൾസ്വർത്ത് സ്ട്രീറ്റിലെ ലക്ഷ്യസ്ഥാനത്ത് എത്തുന്നതിന് മുമ്പ് ഇരുപക്ഷത്തെയും അകറ്റി നിർത്താൻ ഡോസൺ സ്ട്രീറ്റിൽ ഗാർഡ വീണ്ടും ഇടപെട്ടു, അവിടെ പ്രതിഷേധക്കാർ പ്രദേശം വിടുന്നതിന് മുമ്പ് പ്രകടനം നടത്തി. പ്രകടനക്കാരിൽ ചിലർ ഒ'കോണെൽ ബ്രിഡ്‌ജിലേക്ക് മടങ്ങി, അവിടെ ഗാർഡായി ഇരു ദിശകളിലുമുള്ള ഗതാഗതം തടഞ്ഞു.

ഇന്നലെ  ഡബ്ലിൻ സിറ്റി സെൻ്ററിൽ ഇമിഗ്രേഷൻ വിരുദ്ധ-അനുകൂല പ്രതിഷേധങ്ങളിൽ പൊതു ക്രമസമാധാന പ്രശ്‌നങ്ങൾ കൈകാര്യം ചെയ്ത ഗാർഡ 19 പേരെ അറസ്റ്റ് ചെയ്തു. ഗാർഡയും പബ്ലിക് ഓർഡർ യൂണിറ്റും ഡബ്ലിൻ സിറ്റി സെൻ്ററിൽ ശേഷിക്കുന്ന ദിവസങ്ങളിൽ സജീവമായ പട്രോളിംഗിൽ തുടരുമെന്ന് ഗാർഡ പറഞ്ഞു.