തുള്ളാമോറില്‍ നിന്നും മലയാളി വിദ്യാർത്ഥിയെ കാണാതായ സംഭവത്തിൽ ഇപ്പോഴും പ്രചരിക്കുന്നത് വ്യാജ വാർത്ത...! പിന്നിൽ ചില മഞ്ഞ മാധ്യമങ്ങളെന്ന് മലയാളികൾ "

അയർലണ്ട് : കൗണ്ടി ഓഫലിയിലെ തുള്ളാമോറില്‍ നിന്നും കാണാതായ മലയാളി വിദ്യാര്‍ത്ഥി നിയോ വര്‍ഗീസിനെ കണ്ടെത്തിയതായി നിയോയോട് അടുത്ത വൃത്തങ്ങൾ.

സെപ്റ്റംബര്‍ 24, ചൊവ്വാഴ്ച വൈകുന്നേരം മുതലാണ് തുള്ളമോറിലെ വീട്ടില്‍ നിന്ന് നിയോയെ കാണാതായത്. 13-കാരനായ നിയോ വര്‍ഗീസ് എവിടെയാണെന്ന് കണ്ടെത്താന്‍ പൊതുജനങ്ങളുടെ സഹായം ഗാര്‍ഡ ആവശ്യപ്പെട്ടിട്ടിരുന്നു എങ്കിലും വൈകുന്നേരത്തോടെ കുട്ടിയെ വീടിനു സമീപത്തു നിന്ന് തന്നെ  കണ്ടെത്തുകയായിരുന്നു. 

കാണാതായതുമുതൽ നിയോയുടെ കുടുംബവും ,ഗാര്‍ഡയും ,തുള്ളാമോറിലെ ഇന്ത്യന്‍ സമൂഹവും നിയോയെ കണ്ടെത്താനുള്ള പരിശ്രമത്തിലായിരുന്നു. എന്നാൽ കുട്ടിയെ ഏതാനും സമയത്തിനുള്ളിൽ വീടിനു സമീപത്തു നിന്ന് തന്നെ കടത്തിയതിനാൽ ആശങ്കകൾക്ക് വിരാമമായി. 

എന്നാൽ കുട്ടിയെ ഇതുവരെ കണ്ടെത്താൻ സാധിച്ചില്ല എന്നതരത്തിൽ ആശങ്ക പടർത്തുകയും തെറ്റായ വർത്ത പ്രചരിപ്പിക്കുകയും ചില മാധ്യമങ്ങൾ ചെയ്യുന്നതായി വിദ്യാർത്ഥിയോട് അടുത്ത വൃത്തങ്ങൾ പറഞ്ഞു. 

ഇത്തരം സംഭവത്തിൽ കുടുംബമായി ജീവിക്കുന്ന മലയാളികൾക്കിടയിൽ ഭയപ്പാട് സൃഷ്ടിക്കുന്ന വ്യാജ വാർത്തക്കാർക്കെതിരെ പ്രതിഷേധം രേഖപ്പെടുത്തുമെന്നും സുഹൃത്തുക്കൾ അറിയിച്ചു.