പി വി അൻവർ എംഎൽഎ ഉദ്ഘാടന യോഗത്തിൽ സംഘർഷം.. മാധ്യമ പ്രവർത്തകർക്ക് നേരെയും കയ്യേറ്റം

പാലക്കാട്: പി.വി.അൻവർ എംഎൽഎ പങ്കെടുത്ത യോഗത്തിന് പിന്നാലെ സംഘർഷം. പാലക്കാട് അലനല്ലൂരിലാണ് സംഭവം.

വ്യാപാരി വ്യവസായി ഏകേ‍ാപനസമിതി അലനെല്ലൂർ യൂണിറ്റിന്റെ സമ്മാനപദ്ധതി ഉദ്ഘാടനത്തിനെത്തിയതായിരുന്നു അൻവർ. പരിപാടി കഴിഞ്ഞ് അൻവർ മടങ്ങുന്നതിനിടെ  രാഷ്ട്രീയ ചേ‍ാദ്യമുന്നയിച്ച ചാനൽപ്രവർത്തകനെതിരെ കയ്യേറ്റശ്രമമുണ്ടാകുകയായിരുന്നു.

അത്തരം ചേ‍ാദ്യമെ‍ാന്നും ഇവിടെ വേണ്ടന്നു പറഞ്ഞാണ് പരിപാടിക്കെത്തിയ ഒരാൾ ചാനൽ റിപ്പേ‍ാർട്ടറെ തള്ളിയത്. പ്രശ്നത്തിൽ മറ്റുള്ളവർ ഇടപെട്ടതേ‍ാടെ സ്ഥലത്ത് നേരിയ സംഘർഷമുണ്ടായി. 

പെ‍ാലീസും ഏകേ‍ാപന സമിതിക്കാരും ഇടപെട്ട് വിഷയം പരിഹരിച്ചു. അൻവർ സ്ഥലത്തുനിന്നു മടങ്ങിയശേഷമായിരുന്നു സംഭവം. മാധ്യമപ്രവർത്തകരെ കയ്യേറ്റം ചെയ്തവരെ ഉടൻ പിടികൂടണമെന്നും ഇവർക്കെതിരെ കേസെടുക്കണമെന്നും പി.വി.അൻവർ പ്രതികരിച്ചു.