ആലപ്പുഴ: അരൂര്‍ ദേശീയ പാതയില്‍ തടി ലോറി മറിഞ്ഞ് അപകടം. അപകടത്തില്‍ ആര്‍ക്കും പരിക്ക് ഇല്ല. എന്നാല്‍ ദേശീയപാതയില്‍ മണിക്കൂറുകളോളമാണ് ഗതാഗതം തടസ്സപ്പെട്ടത്.
ദേശീയപാത വികസനവുമായി ബന്ധപ്പെട്ട് അരൂര്‍ മുതല്‍ തുറവൂര്‍ വരെയുള്ള മേല്‍പ്പാത നിര്‍മ്മാണം നടക്കുന്നതിനാല്‍ മാസങ്ങളായി ഇതു വഴിയുള്ള യാത്ര ദുരിതപൂര്‍ണമാണ്.
മഴയും, ചെളിയും, തകര്‍ന്ന റോഡും മൂലം ഇവിടെ അപകടങ്ങളും നിത്യസംഭവമായിരിക്കുകയാണ്. ഫ്ളൈ ഓവര്‍ നിര്‍മാണം തുടങ്ങിയ ശേഷം 20 ലധികം ആളുകളാണ് ഇവിടെ വാഹനാപകടങ്ങളില്‍ മരണമടഞ്ഞത്.
ഹൈക്കോടതി പോലും പ്രശ്നത്തില്‍ ഇടപെട്ടിട്ടും നിര്‍മാണമേഖലയില്‍ യാത്രക്കാര്‍ക്ക് വേണ്ടത്ര സംവിധാനങ്ങള്‍ ഒരുക്കിയിട്ടില്ല. നിര്‍മാണ പ്രവര്‍ത്തനങ്ങളില്‍ ഏര്‍പ്പെട്ടിരിക്കുന്നവരുടെ അശ്രദ്ധയും പലപ്പോഴും അപകടങ്ങള്‍ക്ക് കാരണമായിട്ടുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.