കാറും ലോറിയും കൂട്ടിയിടിച്ച് അപകടം: രോഗിയായ ബന്ധുവിനെ സന്ദ‍ര്‍ശിച്ച്‌ മടങ്ങിയ കുടുംബത്തിലെ കുട്ടികളടക്കം 5 പേര്‍ക്ക് ദാരുണാന്ത്യം,,

കടലൂർ: തമിഴ്നാട് കടലൂരില്‍ വാഹനാപകടത്തില്‍ അഞ്ച് പേർ മരിച്ചു. രണ്ട് സ്ത്രീകളും മൂന്ന് ആണ്‍കുട്ടികളുമാണ് മരിച്ചത്.

കാറും ലോറിയും കൂട്ടിയിടിച്ചാണ് അപകടം നടന്നത്. മരിച്ചവർ മയിലാടുതുറ സ്വദേശികളെന്നാണ് ലഭിക്കുന്ന വിവരം. രോഗിയായ ബന്ധുവിനെ സന്ദർശിക്കാനായി പോയതായിരുന്നു. തിരികെ വരും വഴിയാണ് അപകടം നടന്നത്. അപകടത്തില്‍ കാർ തകർന്നു.