ബെംഗളൂരു രാജ്യാന്തര വിമാനത്താവളത്തിൽ സെക്യൂരിറ്റി ജീവനക്കാരൻ കുത്തേറ്റു മരിച്ചു.

ബെംഗളൂരു: ബെംഗളൂരു രാജ്യാന്തര വിമാനത്താവളത്തിൽ കൊലപാതകം. 

ടെർമിനൽ ഒന്നിലെ ശുചിമുറിക്കു സമീപമാണ് സെക്യൂരിറ്റി ജീവനക്കാരനെ കുത്തിക്കൊന്നത്. തുങ്കൂർ മധുഗിരി സ്വദേശി രാമകൃഷ്ണനാണ് (46) കൊല്ലപ്പെട്ടത്.

 സംഭവത്തിൽ നാട്ടുകാരനായ രമേഷിനെ വിമാനത്താവളത്തിലെ പൊലീസ് അറസ്റ്റ് ചെയ്തു. വൈകുന്നേരം 6 മണിക്കാണ് സംഭവം. വ്യക്തിവൈരാഗ്യമാണ് അക്രമത്തിനു പിന്നിലെന്നാണ് പ്രാഥമിക നിഗമനം.