ഇനി ആവർത്തിക്കരുത്: അടൂരിൽ തിരക്കുള്ള സമയത്ത് കുതിരപ്പുറത്ത് പാഞ്ഞ് യുവാവ്: കൈകാണിച്ച് ട്രാഫിക്ക് പോലീസ്, താക്കീത്,

പത്തനംതിട്ട: അടൂരില്‍ റോഡിലെ തിരക്കിനിടെ കുതിരപ്പുറത്ത് പാഞ്ഞെത്തിയ യുവാവിനെ ട്രാഫിക് പോലീസ് തടഞ്ഞു. കുതിരയേയും യുവാവിനേയും നഗരത്തില്‍ നിന്നും തിരിച്ചയച്ചു.

കുട്ടികള്‍ ഉള്‍പ്പെടെ വലിയ കൂട്ടം നഗരത്തില്‍ നില്‍ക്കുമ്പോള്‍ വേഗത്തില്‍ കുതിരയെ ഓടിച്ചു കൊണ്ടുവരുകയായിരുന്നു യുവാവ്. 

അടൂർ കെ.എസ്.ആർ.ടി.സി ബസ് സ്റ്റാന്റിന് സമീപത്തു വെച്ച്‌ കുതിരയെയും യുവാവിനെയും പൊലീസ് തടഞ്ഞു. എവിടെ പോവുകയാണെന്ന് ചോദിച്ചപ്പോള്‍ കുതിരയെ നടത്തിക്കാൻ കൊണ്ടുവന്നതാണെന്നായിരുന്നു യുവാവിന്റെ വിശദീകരണം. 

തിരക്കേറിയ സമയത്ത് ഗതാഗതക്കുരുക്കുണ്ടാക്കി കുതിരയുമായി റോഡില്‍ ഇറങ്ങരുത് എന്ന് യുവാവിന് പൊലീസ് നിർദേശവും നല്‍കി. കുതിരയുടെ നോട്ടക്കാരനാണ് ഈ യുവാവ്.