കെഎസ്ഇബി ഉദ്യോഗസ്ഥരുടെ അനാസ്ഥ: താഴ്ന്നുകിടന്ന വൈദ്യുതി കമ്പിയില്‍ നിന്നും ഷോക്കേറ്റു; വയോധികന് ദാരുണാന്ത്യം

പാലക്കാട്: പാലക്കാട് വയോധികന്‍ ഷോക്കേറ്റു മരിച്ചു. നൊച്ചുള്ളിമഞ്ഞാടിയില്‍ വേലമണിയാണ് മരിച്ചത്. 73 വയസ്സായിരുന്നു. താഴ്ന്നുകിടന്ന വൈദ്യുതികമ്പിയില്‍ നിന്നും ഷോക്കേറ്റാണ് മരണം സംഭവിച്ചത്.

രാവിലെ 5.50 ഓടെ പാൽ കൊടുക്കാനായി പോകുമ്പോഴായിരുന്നു അപകടം. താഴ്ന്നുകിടന്ന ലൈൻകമ്പിയിൽ തട്ടിയാണ് അപകടമുണ്ടായത്. കെഎസ്ഇബി ഉദ്യോഗസ്ഥരുടെ അനാസ്ഥയാണ് മരണത്തിന് ഇടയാക്കിയതെന്നാണ് കുടുംബം ആരോപിക്കുന്നത്.