കോഴിക്കോട്: വയനാട്ടില് ഉരുള്പൊട്ടലിന്റെ പശ്ചാത്തലത്തില് ചൂരല്മലയിലേക്കും മുണ്ടക്കൈയിലേക്കുമുള്ള പ്രവേശനം നിയന്ത്രിക്കുമെന്ന് റവന്യൂ മന്ത്രി കെ. രാജന്. തിരച്ചിലിനും സന്നദ്ധ പ്രവര്ത്തനത്തിനും മറ്റും ബുദ്ധിമുട്ടുണ്ടാക്കുന്ന സാഹചര്യത്തിലാണ് തീരുമാനം.
.jpeg)
ഇന്ന് മുതല് ഒരു ദിവസം ബെയ്ലി പാലത്തിലൂടെ 1500 പേരെ മാത്രമേ കടത്തിവിടൂ. ചൂരല്മലയിലും മുണ്ടക്കൈയിലും രക്ഷാപ്രവര്ത്തനം നടത്തുന്നവര്ക്ക് ഭക്ഷണം ലഭിക്കുന്നില്ല എന്നത് വ്യാജ പ്രചരണമാണ്. ഓരോ ദിവസവും ആവശ്യമായ ഭക്ഷണം പാചകം ചെയ്ത് കൃത്യമായി എത്തിച്ചു വിതരണം ചെയ്യുന്നുണ്ട്.
സന്നദ്ധ പ്രവര്ത്തകര്ക്കോ, പുറത്തുള്ളവര്ക്കോ ഭക്ഷണം നേരിട്ട് വിതരണം ചെയ്യാന് അനുവാദമില്ല. കളക്ഷന് പോയിന്റില് ഏല്പ്പിക്കുന്ന ഭക്ഷണവും കൃത്യമായി വിതരണം ചെയ്യുന്നുണ്ട്. ഭക്ഷ്യ സുരക്ഷാ വകുപ്പ് ഉദ്യോഗസ്ഥര് പരിശോധിച്ചതിനു ശേഷമാണ് ഭക്ഷണം വിതരണം ചെയ്യുന്നത്. പഴകിയ ഭക്ഷണവും ഗുണമേന്മയില്ലാത്ത ഭക്ഷണവും വിതരണം ചെയ്യുന്നത് തടയാന് വേണ്ടിയാണ് ഈ ക്രമീകരണമെന്നും മന്ത്രി പറഞ്ഞു
ഉരുള്പൊട്ടല് നടന്ന പ്രദേശത്തിന്റെ പഴയ കോണ്ടൂര് മാപ്പും ഡ്രോണ് ഉപയോഗിച്ച് തയ്യാറാക്കിയ പുതിയ മാപ്പും താരതമ്യം ചെയ്ത് സ്ഥലത്ത് മണ്ണും കല്ലും വന്നു കൂടിയതിന് ശേഷമുള്ള ഉയര വ്യത്യാസവും കൂടി കണക്കാക്കി കൂടുതല് പരിശോധന നടത്തുമെന്നും മന്ത്രി പറഞ്ഞു.
മാധ്യമ പ്രവര്ത്തകര് വാര്ത്തകള് റിപ്പോര്ട്ട് ചെയ്യുമ്പോള് സൂക്ഷ്മത പുലര്ത്തണമെന്നും കുട്ടികള്ക്ക് മാനസിക സംഘര്ഷമുണ്ടാക്കുന്ന വിധത്തില് വാര്ത്തകള് നല്കരുതെന്നും മന്ത്രി ആവശ്യപ്പെട്ടു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.