ആനപ്രേമികളുടെ പ്രിയങ്കരൻ: കളഭകേസരി' പുതുപ്പള്ളി അർജുനൻ ചെരിഞ്ഞു; സംസ്കാരം ഇന്ന്,

കോട്ടയം: കോട്ടയത്തെ ആനപ്രേമികളുടെ പ്രിയങ്കരനായിരുന്ന പുതുപ്പള്ളി അർജുനൻ ചെരിഞ്ഞു. 40 വയസായിരുന്നു. പാപ്പാലപ്പറമ്പിൽ പോത്തൻ വർഗീസിന്റെ ഉടമസ്ഥതയിലുള്ള ആനയായിരുന്നു പുതുപ്പള്ളി അർജുനൻ.

കളഭകേസരിയെന്നാണ് പുതുപ്പള്ളി അർജുനൻ അറിയപ്പെടുന്നത്. അസമിൽ നിന്നാണ് പുതുപ്പള്ളി അർജുനനെ കേരളത്തിലെത്തിച്ചത്.

എഴുന്നള്ളത്തിനും തടിപിടിക്കുന്നതിനും വേണ്ടി ഉപയോഗിച്ചിരുന്ന മോഴയാനയാണ് പുതുപ്പള്ളി അർജുനൻ. ഇന്നലെ വൈകിട്ട് ആറ് മണിയോടെയാണ് ചെരിഞ്ഞത്. ഒരാഴ്ചയായി കാലിന് വേദനയായി ചികിത്സയിലായിരുന്നു.

ക്രെയിൻ ഉപയോഗിച്ച് ഉയർത്തി നോക്കിയെങ്കിലും കാലുറപ്പിച്ച് നിൽക്കാൻ കഴിയാത്ത നിലയിലായിരുന്നു. ഡോക്ടർമാർ മരുന്നുകൾ നൽകിയെങ്കിലും ആരോഗ്യസ്ഥിതി മെച്ചപ്പെട്ടില്ല. സംസ്കാരം വെള്ളിയാഴ്ച നടക്കും