അന്തീനാട്, ഐങ്കൊമ്പ്, ഏഴാച്ചേരി എന്നീ ക്ഷേത്ര സന്നിധിയിൽ നിന്നും ഉള്ള ശോഭായാത്രകൾ ഉച്ചകഴിഞ്ഞ് കൊല്ലപ്പള്ളിയിൽ സംഗമിച്ച് മഹാശോഭായാത്രയായി ഒഴയ്ക്കാട്ട് കാവിൽ സമാപിക്കുമെന്ന് സംഘാടകർ അറിയിച്ചു.

കോട്ടയം:ഭഗവാൻ ശ്രീകൃഷ്ണഭഗവാന്റെ ജന്മദിനമായി കൊണ്ടാടുന്ന ശുഭദിനം. ബാലിക ബാലന്മാർ കൃഷ്ണ, രാധാ വേഷങ്ങൾ അണിഞ്ഞ് നാടെങ്ങും അമ്പാടി ആയി മാറുന്ന സുദിനം സമാഗതമായി.

അഷ്ടമിരോഹിണി ദിവസമായ ഇന്ന് അന്തീനാട്, ഐങ്കൊമ്പ്, ഏഴാച്ചേരി എന്നീ ക്ഷേത്ര സന്നിധിയിൽ നിന്നും ഉള്ള ശോഭായാത്ര ഉച്ചകഴിഞ്ഞ് 3.30 നോട്കൂടി വാദ്യ മേളങ്ങൾ, ഉറിയടി, ഗോപിക നൃത്തം, എന്നിവയുടെ അകമ്പടിയോടെ  കൊല്ലപ്പള്ളി ടൗണിൽ സംഗമിച്ച്  മഹാശോഭായാത്രയായി ഏഴാച്ചേരി ഒഴയ്ക്കാട്ടു കാവ് ദേവീക്ഷേത്ര സന്നിധിയിൽ എത്തിച്ചേരും.

ഈ ധന്യ മുഹൂർത്തത്തിൽ പങ്കാളികൾ ആകുവാൻ എല്ലാ നല്ലവരായ ഭക്തജനങ്ങളെയും ഭഗവത് സന്നിധിയിലേയ്ക്ക് സ്വാഗതം ചെയ്യുന്നതായി സംഘാടകർ അറിയിച്ചു.