മധ്യ കിഴക്കൻ അറബിക്കടലിൽ ന്യുനമർദപാത്തി.. ഇന്ന് ആറു ജില്ലകളിൽ ജാഗ്രതാ നിർദേശം.

തിരുവനന്തപുരം :കേരളത്തിൽ അടുത്ത 5 ദിവസം ഇടിമിന്നലോടു കൂടിയ മഴയ്ക്കു സാധ്യതയെന്നു കേന്ദ്ര കാലാവസ്ഥ റിപ്പോർട്ട്.

ബുധനാഴ്ച 6 ജില്ലകളിൽ ഓറഞ്ച് അലർട്ടാണ്. പത്തനംതിട്ട, കോട്ടയം, ഇടുക്കി, മലപ്പുറം, കോഴിക്കോട്, വയനാട് ജില്ലകളിലാണ് മുന്നറിയിപ്പ്. 

ചക്രവാതച്ചുഴിയും മധ്യ കിഴക്കൻ അറബിക്കടൽ മുതൽ മാലദ്വീപ് വരെ ന്യൂനമർദപാത്തി സ്ഥിതി ചെയ്യുന്നതുമാണ് മഴയ്ക്കു കാരണം.