തിരക്കേറിയ റോഡിൽ പണം വാരിയെറിഞ്ഞ് യൂട്യൂബർ; വൻ ഗതാഗതക്കുരുക്കിന് കാരണമായി 'ഷോ'

ഹൈദരാബാദ്: തിരക്കേറിയ റോഡിൽ പണം വാരിയെറിഞ്ഞ് യൂട്യൂബർ.പണമെടുക്കാൻ ആളുകൾ വാഹനം നിർത്തിയിറങ്ങിയതോടെ വൻ ഗതാഗതക്കുരുക്കും തമ്മിൽത്തല്ലും. 

ഹൈദരാബാദിലെ കുകാട്ട്പള്ളി മേഖലയിൽ പവർ ഹർഷ എന്ന യൂട്യൂബറാണ് പണം വിതറിയുള്ള ‘ഷോ’ നടത്തിയത്.

വലിയ വാഹനത്തിരക്കുണ്ടായിരുന്ന സമയത്ത് ഇയാൾ റോഡിലേക്കിറങ്ങി പണക്കെട്ട് മുകളിലേക്ക് എറിയുകയായിരുന്നു. 

ഇതുകണ്ടതോടെ ബൈക്കും ഓട്ടോറിക്ഷയും മുതൽ വലിയ വാഹനങ്ങൾ വരെ നടുറോഡിൽ നിർത്തി പണം പെറുക്കാനിറങ്ങി. 

ഇത് വലിയ ഗതാഗതക്കുരുക്കിനാണ് വഴിവച്ചത്. ഈ രീതിയിലുള്ള വിഡിയോ ചിത്രീകരണം തുടരുമെന്ന സൂചന നൽകിയാണ് പവർ ഹർഷ വിഡിയോ അവസാനിപ്പിക്കുന്നത്. 

തന്റെ ടെലഗ്രാം ചാനലിൽ ചേരണമെന്നും ഇയാൾ കാഴ്ചക്കാരോട് പറയുന്നുണ്ട്. താൻ വലിച്ചെറിഞ്ഞത് എത്ര പണമാണെന്ന് കൃത്യമായി പറയുന്നവർക്ക് സമ്മാനങ്ങളും ഇയാൾ വാഗ്ദാനം ചെയ്യുന്നു.