മേപ്പാടി: ഉരുള്പ്പൊട്ടലില് കാണാതായവര്ക്കായി വയനാട് മുണ്ടക്കൈ-ചൂരല്മലയില് നടത്തിയ തിരച്ചിലില് ശരീരഭാഗങ്ങള് കണ്ടെത്തി. ആനടിക്കാപ്പ് മുതല് സൂചിപ്പാറ വരെ നടത്തിയ തിരച്ചില് ഇന്ന് ആറ് ശരീരഭാഗങ്ങള് കണ്ടെത്തി.
അസ്ഥിഭാഗങ്ങളും മുടിയും ഉള്പ്പെടെ 6 ശരീര ഭാഗങ്ങളാണ് ലഭിച്ചത്. കണ്ടെത്തിയ ശരീരഭാഗങ്ങളുടെ ഡിഎന്എ പരിശോധന നടത്തും. ശരീര ഭാഗങ്ങള് സുല്ത്താന് ബത്തേരി താലൂക്ക് ആശുപത്രിയിലേക്ക് മാറ്റി.
ദുരന്തത്തില് കാണാതായവരുടെ ബന്ധുക്കളുടെ ആവശ്യ പ്രകാരമാണ് ഇന്ന് പ്രത്യേക സംഘത്തെ നിയോഗിച്ചുള്ള തിരച്ചില് നടത്തിയത്.
എന്ഡിആര്എഫ്, സ്പെഷ്യല് ഓപ്പറേഷന് ഗ്രൂപ്പ്, ഫയര്ഫോഴ്സ്, സന്നദ്ധപ്രവര്ത്തകര് തുടങ്ങി 14 അംഗ ടീമാണ് ഇന്ന് മേഖലയില് തിരച്ചില് നടത്തിയത്.
കഴിഞ്ഞ ആഴ്ചകളില് ഇവിടെ നിന്ന് നിരവധി മൃതദേഹങ്ങളും ശരീരഭാഗങ്ങളും കണ്ടെത്തിയിരുന്നു. ഇന്നത്തെ തിരച്ചിലിന്റെ പുരോഗതിക്ക് അനുസരിച്ച് തിരച്ചില് തുടരാമെന്നാണ് നേരത്തെ എടുത്ത തീരുമാനം.
രാവിലെ 6 മുതല് വൈകിട്ട് മൂന്നര വരെ തെരച്ചിലിന് പദ്ധതിയിട്ടിരുന്നുവെങ്കിലും മഴയെ തുടര്ന്ന് തെരച്ചില് ഉച്ച കഴിഞ്ഞപ്പോള് തന്നെ അവസാനിപ്പിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.