മുട്ടകളില്‍ രാജാവ്: സൂക്ഷിച്ചില്ലെങ്കില്‍ വില്ലനാകും; കാടമുട്ട കഴിക്കുമ്പോള്‍ ഇക്കാര്യങ്ങൾ ശ്രദ്ധിക്കുക, ആരോഗ്യം സംരക്ഷിക്കാം,

വലിപ്പത്തില്‍ കുഞ്ഞനാണെങ്കിലും പോഷകങ്ങളാല്‍ സമ്പന്നമാണ് കാടമുട്ട. അതിനാല്‍ ദിവസവും കാടമുട്ട കഴിക്കുന്നത് നല്ലതാണെന്ന് ആരോഗ്യ വിദഗ്ധർ പറയാറുണ്ട്.

എന്നാല്‍ ചില കാര്യങ്ങള്‍ ശ്രദ്ധിച്ചില്ലെങ്കില്‍ മുട്ടകളുടെ നായകനായ കാടമുട്ട ചിലപ്പോള്‍ വില്ലനായി മാറും.കാടമുട്ട കഴിക്കുമ്പോള്‍ ശ്രദ്ധിക്കേണ്ട കാര്യങ്ങള്‍:

ഒട്ടുമിക്ക കാടമുട്ടകളും പാസ്ചറൈസ് ചെയ്യാത്തവയാണ്, അതിനാല്‍ മുട്ടകളുടെ തോടില്‍ അടങ്ങിയിരിക്കുന്ന ദോഷകരമായ ബാക്ടീരിയകള്‍ ആരോഗ്യത്തിന് ദോഷം ചെയ്തേക്കാം. അതുകൊണ്ടുതന്നെ ഗർഭിണികള്‍ കാടമുട്ട ഒഴിവാക്കുന്നതാണ് നല്ലത്. രോഗപ്രതിരോധ ശേഷി കുറവുള്ളവരും ദുർബലമായ ആരോഗ്യാവസ്ഥയിലൂടെ കടന്നുപോകുന്നവരും കാടമുട്ട ഒഴിവാക്കാൻ ശ്രദ്ധിക്കുക.

കൂടാതെ കോഴിമുട്ട അലർജിയുള്ള വ്യക്തികള്‍ കാടമുട്ടയും ഒഴിവാക്കേണ്ടതാണ്. അത്തരക്കാർ ഡോക്ടറോട് ചോദിച്ച്‌ പരിശോധനകള്‍ നടത്തി കാടമുട്ട അലർജിയുണ്ടാക്കില്ലെന്ന് ഉറപ്പുവരുത്തിയതിന് ശേഷം മാത്രം കഴിക്കുക. അല്ലാത്ത വിഭാഗം ആളുകള്‍ക്ക് ദിവസവും കാടമുട്ട കഴിക്കാവുന്നതാണ്.