രക്ഷപ്പെട്ടത് തലനാരിഴയ്‌ക്ക്,: കുഞ്ഞ് സ്‌കൂട്ടറിന്റെ ആക്‌സിലേറ്റര്‍ തിരിച്ചു; തുണിക്കടയിലേക്ക് വാഹനം ഇടിച്ചുകയറി; അമ്മയെ ഇടിച്ചുതെറിപ്പിച്ചു

ആലപ്പുഴ: ഹരിപ്പാടില്‍ നിയന്ത്രണം വിട്ട സ്‌കൂട്ടർ തുണിക്കടയില്‍ ഇടിച്ചുകയറി അപകടം. തുണിക്കെട്ടുകളില്‍ ഇടിച്ചു നിന്നതിനാല്‍ കടയിലുണ്ടായിരുന്നവർ തലനാരിഴയ്‌ക്ക് രക്ഷപ്പെട്ടു. ഹരിപ്പാടിലെ സ്മിത ടെക്‌സ്റ്റൈല്‍സിലേക്കാണ് സ്‌കൂട്ടർ ഇടിച്ചുകയറിയത്.

തുണികള്‍ വാങ്ങാനായി ഒരു കുടുംബം കടയിലേക്കെത്തിയിരുന്നു. ഭർത്താവും കുഞ്ഞുമായിരുന്നു സ്‌കൂട്ടറിലുണ്ടായിരുന്നത്. ഭാര്യ തുണികള്‍ നോക്കുന്നതിനിടയില്‍ പുറത്ത് സ്‌കൂട്ടറിലിരിക്കുകയായിരുന്ന കുഞ്ഞ് സ്‌കൂട്ടറിന്റെ ആക്‌സിലേറ്റർ തിരിച്ചതോടെ വാഹനം നിയന്ത്രണം വിടുകയായിരുന്നുവെന്ന് ഭർത്താവ് പറഞ്ഞു.

ഭാര്യയെ ഇടിച്ചുതെറിപ്പിച്ചാണ് വാഹനം കടക്കുള്ളിലേക്ക് കയറിയത്. എന്നാല്‍ യുവതി തുണിക്കെട്ടിലേക്ക് വീണതിനാല്‍ വൻ അപകടം ഒഴിവായി. തുടർന്ന് കടക്കുള്ളിലെ മറ്റ് ജീവനക്കാർ ചേർന്ന് സ്‌കൂട്ടർ പുറത്തെത്തിക്കുകയായിരുന്നു.