മധുരയിൽ വാട്ടർ ടാങ്ക് തകർന്നുവീണ് 2 സ്ത്രീകൾ മരിച്ചു;13 പേര്‍ക്കു പരിക്ക്, ഒരാളുടെ നില അതീവഗുരുതരം

മധുര : ഉത്തർപ്രദേശിലെ മധുരയിൽ വാട്ടർ ടാങ്ക് തകർന്നുവീണ് 2 സ്ത്രീകൾ മരിച്ചു. ഞായറാഴ്ച രാത്രി നടന്ന അപകടത്തിൽ 13 പേര്‍ക്കു പരുക്കേറ്റു. ഒരാളുടെ നില അതീവഗുരുതരമാണ്. വാട്ടർ ടാങ്കു പൊട്ടിയൊഴുകിയ വെള്ളം സമീപത്തെ നിരവധി വീടുകൾക്കും വാഹനങ്ങൾക്കും കേടുപാടുകളുണ്ടാക്കി.

സംഭവസ്ഥലത്തെത്തിയ സുരക്ഷാ ഉദ്യോഗസ്ഥർ രക്ഷാപ്രവർത്തനങ്ങൾ തുടരുകയാണ്. ടാങ്ക് നിർമിച്ച കരാറുകാരനെതിരെ എഫ്ഐആർ റജിസ്റ്റർ ചെയ്യാൻ മുഖ്യമന്ത്രി യോഗി ആദിത്യനാഥ് ആവശ്യപ്പെട്ടു.