പത്തനംതിട്ട: ആംബുലൻസ് പീഡനക്കേസിന്റെ വിചാരണയ്ക്കിടെ അതിജീവിത കോടതിയില് ബോധരഹിതയായി. അതിജീവിത ഫോണില് റെക്കോർഡുചെയ്ത പ്രതിയുടെ സംഭാഷണം കോടതി കേള്ക്കവെയായിരുന്നു സംഭവം.
പത്തനംതിട്ട പ്രിൻസിപ്പല് സെഷൻസ് കോടതിയിലെ സാക്ഷിക്കൂട്ടിലാണ് 23-കാരി ബോധരഹിതയായി വീണത്.പീഡനത്തിനുശേഷം ആബുലൻസില്വച്ച് പെണ്കുട്ടിയോട് മാപ്പു പറഞ്ഞുകൊണ്ട് പ്രതി സംസാരിക്കുന്നതിന്റെ ശബ്ദരേഖയാണ് കോടതി കേട്ടത്. അന്വേഷണസംഘം ശബ്ദരേഖ പെൻഡ്രൈവില് കോടതിയില് ഹാജരാക്കിയിരുന്നു. ഈ ശബ്ദരേഖ കോടതി കേള്ക്കുന്നതിനിടെയാണ് അതിജീവിത ബോധരഹിതയായത്.
ഉടൻതന്നെ സർക്കാർ നിയോഗിച്ച അഭിഭഷകരും കോടതി ജീവനക്കാരും ചേർന്ന് പെണ്കുട്ടിയെ കോടതിയുടെ പുറത്തെത്തിച്ചു. ആവശ്യമെങ്കില് പെണ്കുട്ടിക്ക് വൈദ്യസഹായം നല്കണമെന്ന് കോടതി നിർദ്ദേശിച്ചെങ്കിലും പെണ്കുട്ടി പിന്നീട് ആരോഗ്യം വീണ്ടെടുത്തതോടെ ഒന്നര മണിക്കൂറിനുശേഷം വിചാരണ പുനരാരംഭിച്ചു.
കോവിഡ് രോഗിയായിരുന്ന സമയത്താണ് പെണ്കുട്ടി ആംബുലൻസില് പീഡിപ്പിക്കപ്പെട്ടത്. അർധരാത്രി ആംബുലൻസില് ആശുപത്രിയിലേക്ക് പോകുന്ന വഴിയാണ് ആംബുലൻസ് ഡ്രൈവറായ പ്രതി നൗഫല് പെണ്കുട്ടിയെ പീഡനത്തിന് ഇരയാക്കിയത്.
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.