തീർഥാടന യാത്ര ദുരന്ത യാത്രയായി: ബസ് ട്രാക്ടറുമായി കൂട്ടിയിടിച്ച് കൊക്കയിലേയ്ക്ക് മറിഞ്ഞു; അഞ്ച് പേർക്ക് ദാരുണാന്ത്യം,, 42 പേർക്ക് പരിക്ക്,

മുംബൈ: മുംബൈയിൽ ബസ് ട്രാക്ടറുമായി കൂട്ടിയിടിച്ച്  20 അടി താഴ്ചയിലേക്ക് മറിഞ്ഞ് അഞ്ച് പേർ മരിച്ചു. അപകടത്തിൽ 42 പേർക്ക് പരിക്കേറ്റു. മുംബൈയിലെ എക്സ്പ്രസ് ഹൈവേയ്ക്ക് സമീപമായിരുന്നു അപകടം.

ഡോംബിലയിലെ കേസർ ​ഗ്രാമത്തിൽ നിന്നും തീർഥാടകരുമായി പന്തർപുരിലേക്ക് പോവുകയായിരുന്ന ബസാണ് അപകടത്തിൽപ്പെട്ടത്.

പരിക്കേറ്റവരെ എംജിഎം ആശുപത്രിയിൽ പ്രവേശിപ്പിച്ചു. അപകടത്തെത്തുടർന്ന് മുംബൈ - ലോനാവാല റോഡിൽ മൂന്ന് മണിക്കൂറോളം ​ഗതാ​ഗതം തടസപ്പെട്ടു. ക്രെയിൻ ഉപയോ​ഗിച്ച് താഴ്ചയിൽ നിന്ന് ബസ് പുറത്തെടുത്ത ശേഷം ​ഗതാ​ഗതം പുന:സ്ഥാപിച്ചു. അപകട കാരണം വ്യക്തമല്ല