വെള്ളം പമ്പ് ചെയ്യുന്ന മോട്ടോർ പുരയിൽ നിന്ന് ഷോക്കേറ്റു: അച്ഛനും മകനും ദാരുണാന്ത്യം,

മലപ്പുറം: ഷോക്കേറ്റ് അച്ഛനും മകനും ദാരുണാന്ത്യം. പെരിന്തല്‍മണ്ണയില്‍ ഇന്ന് മൂന്നുമണിയോടെയാണ് സംഭവം. പറക്കണ്ണി കാവുണ്ടത്ത് മുഹമ്മദ് അഷ്‌റഫ്, മകൻ മുഹമ്മദ് അമീൻ എന്നിവരാണ് മരിച്ചത്. 

കൃഷിക്കായി വെള്ളം പമ്പ് ചെയ്യുന്ന മോട്ടോർ പുരയിലാണ് ഇരുവരുടെയും മൃതദേഹങ്ങള്‍ കണ്ടെത്തിയത്. മോട്ടോറില്‍ നിന്ന് അഷ്‌റഫിനാണ് ആദ്യം ഷോക്കേറ്റതെന്നാണ് വിവരം. 

ഇതറിയാതെ അവിടെയെത്തിയ 14കാരനായ മകൻ പിതാവിനെ തൊട്ടപ്പോഴാണ് ഷോക്കേറ്റതെന്നാണ് നിഗമനം. രണ്ടുപേരുടെയും മൃതദേഹങ്ങള്‍ ആശുപത്രിയിലേയ്ക്ക് മാറ്റി. പോസ്റ്റുമോർട്ടത്തിനുശേഷം കുടുംബത്തിന് വിട്ടുനല്‍കും