പ്രശസ്ത പിന്നണി ​ഗായകൻ പി.വി വിശ്വനാഥൻ അന്തരിച്ചു

 കണ്ണൂർ: പിന്നണി ഗായകൻ പി.വി വിശ്വനാഥൻ (55) അന്തരിച്ചു. ജയസൂര്യ അഭിനയിച്ച 'വെള്ളം' എന്ന സിനിമയിലൂടെയാണ് പിന്നണി ഗാനരം​ഗത്തേക്ക് കടക്കുന്നത്. ചിത്രത്തിലെ 'ഒരു കുറി കണ്ടു നാം' എന്ന് തുടങ്ങുന്ന ഗാനം ഏറെ ശ്രദ്ധേയമായിരുന്നു

നിരവധി ആൽബങ്ങൾക്കും സംഗീതം ഒരുക്കിയിട്ടുണ്ട്. ഭക്തി​ഗാനങ്ങളും പാടിയിട്ടുണ്ട്. ​ഗാനമേള വേദികളിലും സജീവമായിരുന്നു. സംസ്കാരം തിങ്കളാഴ്ച രാവിലെ 11 ന് നടക്കും.

കീഴാറ്റൂർ മുച്ചിലോട്ട് കാവിന് സമീപത്താണ് വീട്. പരേതനായ പി വി കണ്ണന്റെയും മീത്തലെവളപ്പിൽ കാർത്യായനിയമ്മയുടെയും മകനായ വിശ്വനാഥൻ അവിവാഹിതനാണ്. സഹോദരങ്ങൾ: രാജം (കൊൽക്കത്ത), രത്നപാൽ (ജ്യോത്സ്യർ), സുഹജ (തലശേരി), ധനഞ്ജയൻ (എറണാകുളം).