ഈരാറ്റുപേട്ട:തീക്കോയി ഗ്രാമപഞ്ചായത്തിൽ 2024- 25 വാർഷിക പദ്ധതി പ്രകാരം വ്യക്തിഗത ആനുകൂല്യങ്ങൾക്കുള്ള പ്രോജക്ടുകൾക്ക് അപേക്ഷകൾ ക്ഷണിച്ചു.
.jpg)
ക്ഷീരകർഷകർ അളക്കുന്ന പാലിന് സബ്സിഡി, എസ്.സി വിദ്യാർത്ഥികൾക്ക് സ്കോളർഷിപ്പ്, എസ് ടി വിദ്യാർത്ഥികൾക്ക് സ്കോളർഷിപ്പ്, എസ് സി വീട് വാസയോഗ്യമാക്കൽ, ബയോബിൻ, ടോയ്ലറ്റ് മെയിന്റനൻസ് ജനറൽ എന്നീ പ്രോജക്ടുകളിലേക്കും ബ്ലോക്ക് പഞ്ചായത്ത് പദ്ധതികളായ എസ് സി വിദ്യാർത്ഥികൾക്ക് പഠനമുറി, എസ് ടി വിദ്യാർത്ഥികൾക്ക് പഠനമുറി,
ഭിന്നശേഷിക്കാരായ വനിതകൾക്ക് ഇലക്ട്രിക് വീൽ ചെയർ വിതരണം, ഭിന്നശേഷിക്കാർക്ക് ഇലക്ട്രിക് വീൽചെയർ വിതരണം, ഗ്രൂപ്പ് ഫാമിംഗ്, ക്ഷീര കർഷകർക്ക് പാലിന് സബ്സിഡി, ക്ഷീരകർഷകർക്ക് കാലിത്തീറ്റ സബ്സിഡി എന്നീ പ്രോജക്ടുകളിലേക്കാണ് അപേക്ഷകൾ ക്ഷണിച്ചിട്ടുള്ളത്.
പൂരിപ്പിച്ച അപേക്ഷകൾ പഞ്ചായത്ത് ഫ്രണ്ട് ഓഫീസിൽ 11/07/2024 തീയതി 4 മണിവരെ സ്വീകരിക്കുന്നതായിരിക്കും. കൃഷിയുമായി ബന്ധപ്പെട്ട പദ്ധതികളുടെ അപേക്ഷകൾ കൃഷി ഓഫീസിലും മൃഗസംരക്ഷണവുമായി ബന്ധപ്പെട്ട പദ്ധതികളുടെ അപേക്ഷകൾ മൃഗാശുപത്രിയിലും ബാക്കി പദ്ധതികളുടെ അപേക്ഷകൾ പഞ്ചായത്ത് ഫ്രണ്ട് ഓഫീസിലും സ്വീകരിക്കുന്നതാണ്.
അപേക്ഷാഫോറം പഞ്ചായത്ത് ഓഫീസിൽ നിന്നോ മെമ്പർമാരുടെ പക്കൽ നിന്നോ 03/07/2024 മുതൽ ലഭിക്കുന്നതാണ്. വ്യക്തിഗത ഗുണഭോക്താക്കളെ തിരഞ്ഞെടുക്കുന്നതിനുള്ള ഗ്രാമസഭകൾ ജൂലൈ 13 മുതൽ 23 വരെ വിവിധ വാർഡുകളിൽ ചേരുന്നതാണെന്ന് ഗ്രാമ പഞ്ചായത്ത് പ്രസിഡന്റ്‌ കെ സി ജെയിംസ് അറിയിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.