ശ്രീനഗർ: ജമ്മു കശ്മീരിലെ കുപ്വാര ജില്ലയിലെ നിയന്ത്രണ രേഖയിൽ ഭീകരരുടെ നുഴഞ്ഞു കയറ്റ ശ്രമം പരാജയപ്പെടുത്തി സൈന്യം. മൂന്ന് ഭീകരരെ വധിച്ചു. പ്രദേശത്ത് ഇപ്പോഴും വെടിവയ്പ് തുടരുകയാണ്.
കുപ്വാരയിലെ കേരൻ സെക്ടറിലുണ്ടായ ഭീകരരുടെ നുഴഞ്ഞുകയറ്റ ശ്രമമാണ് സൈന്യം പരാജയപ്പെടുത്തിയത്. മേഖലയിലെ ഭീകരരുടെ ഒളിത്താവളങ്ങൾ നശിപ്പിച്ചതായി സൈനിക വൃത്തങ്ങൾ അറിയിച്ചു. പ്രദേശത്തുനിന്ന് വൻ ആയുധശേഖരവും സൈന്യം കണ്ടെത്തിയിട്ടുണ്ട്.
നുഴഞ്ഞുകയറ്റ ശ്രമം പരാജയപ്പെടുത്താൻ കുപ്വാരയിലെ കേരൻ സെക്ടറിൽ കഴിഞ്ഞ ദിവസമാണ് ധനുഷ് 2 എന്ന രഹസ്യ ഓപ്പറേഷൻ സുരക്ഷാ സേന ആരംഭിച്ചത്.
കഴിഞ്ഞ ഒരു മാസത്തിനിടെ കഠ്വ, ദോഡ, റിയാസി, ഉധംപൂർ ജില്ലകളിലായി നടന്ന ഭീകര ആക്രമണങ്ങളിൽ ആറു സുരക്ഷാ ഉദ്യോഗസ്ഥര് ഉൾപ്പെടെ 15 പേർ കൊല്ലപ്പെടുകയും 46 പേർക്ക് പരുക്കേൽക്കുകയും ചെയ്തിരുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.