തിരുവനന്തപുരം: തദ്ദേശ തെരഞ്ഞെടുപ്പിന് മുന്നോടിയായി കമ്മറ്റികള് രൂപീകരിക്കാനുള്ള പ്രതിപക്ഷനേതാവിന്റെ സര്ക്കുലര് കെപിസിസി പ്രസിഡന്റ് റദ്ദാക്കിയതിന് പിന്നാലെ കോണ്ഗ്രസില് നേതാക്കള് തമ്മിലുള്ള ഭിന്നത മറനീക്കി പുറത്ത്. പാര്ട്ടിയുടെ സര്ക്കുലര് ഇറക്കേണ്ട കെപിസിസി പ്രസിഡന്റിന്റെ അധികാരത്തില് കൈകടത്തിയ വിഡി സതീശനെതിരെ സുധാകരന് കടുത്ത അതൃപ്തി അറിയിച്ചിരുന്നു.
.jpeg)
കെപിസിസിയുടെ അധികാരത്തില് കൈകടത്താന് ശ്രമിച്ചാല് നിയന്ത്രിക്കാന് അറിയാമെന്ന് കെ സുധാകരന് ഡല്ഹയില് പറഞ്ഞു. കെപിസിസി ഭാരവാഹി യോഗത്തില് പ്രതിപക്ഷ നേതാവ് വിഡി സതീശനെതിരെ വിമര്ശനം ഉണ്ടായെന്ന കാര്യം സുധാകരന് തള്ളിയില്ല. ജനാധിപത്യ പാര്ട്ടിയില് വിമര്ശനങ്ങള് ഉണ്ടാവും. യോഗത്തില് ഉയര്ന്ന വിമര്ശനങ്ങള് പരിശോധിക്കും. താനും സതീശനും തമ്മില് യാതൊരു പ്രശ്നവുമില്ലെന്നും സുധാകരന് പറഞ്ഞു.
'ഒരു ജനാധിപത്യപാര്ട്ടിക്കകത്ത് അഭിപ്രായ ഐക്യവും, അഭിപ്രായവ്യത്യാസവും വിമര്ശനവും ഒക്കെ ഉണ്ടാകും. അതിനൊന്നും തന്റെ അടുത്ത് നിന്ന് ഉത്തരം കിട്ടില്ല. അതൊക്കെ പ്രതിപക്ഷ നേതാവിനോട് ചോദിക്കുക. താന് എല്ലാ ആളുകളോടും സമദൂരത്തിലും സമസ്നേഹത്തിലുമാണ് പോകുന്നത്. സതീശനും താനും തമ്മില് ഒരു പ്രശ്നവുമില്ല. ഇപ്പോ കണ്ടാല് സതീശനെ കുട്ടിക്കൊണ്ടുപോയി ചായവാങ്ങിക്കൊടുക്കും'- സുധാകരന് മാധ്യമങ്ങളോട് പറഞ്ഞു.
കെപിസിസിയുടെ അധികാരത്തില് കൈകടത്തിയാല് നിയന്ത്രിക്കാന് അറിയാമെന്നും കെ സുധാകരന് പറഞ്ഞു. വിഡി സതീശനെതിരെയാണ് സുധാകരന്റെ ഒളിയമ്പെന്നാണ് വിലയിരുത്തല്. വിഡി സതീശന് സൂപ്പര് പ്രസിഡന്റ് ചമയുന്നുവെന്ന് കഴിഞ്ഞ ദിവസം ആരോപണം ഉയര്ന്നിരുന്നു.
കെപിസിസിയുടെ അധികാരത്തില് പ്രതിപക്ഷ നേതാവ് കൈ കടത്തുകയാണെന്ന ആരോപണവും കഴിഞ്ഞ ദിവസം ചേര്ന്ന ഭാരവാഹി യോഗത്തില് ഉയര്ന്നിരുന്നു. വയനാട്ടിലെ യോഗത്തിലെ വാര്ത്ത പുറത്തുവിട്ടത് സതീശനാണെന്ന വിമര്ശനവും യോഗത്തില് ഉയര്ന്നിരുന്നു. ഇതിന് പിന്നാലെയാണ് സുധാകരന്റെ പ്രതികരണം.
ഇന്നലെ രാത്രി ചേര്ന്ന അടിയന്തര കെപിസിസി യോഗത്തിലായിരുന്നു പ്രതിപക്ഷ നേതാവിനെതിരെ ഭാരവാഹികള് ആഞ്ഞടിച്ചത്. യോഗത്തില് പങ്കെടുത്ത 22 ഭാരവാഹികളും പ്രതിപക്ഷ നേതാവിന്റെ നടപടികളോടുള്ള വിയോജിപ്പ് രേഖപ്പെടുത്തി എന്നാണ് വിവരം.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.